អារម្មណ៍មួយនេះ រកអ្វីមកនិយាយមិនត្រូវ...មានតែអ្នកជាប់និទ្ទេស A ទើបយល់អារម្មណ៍មួយនេះច្បាស់...(មានវីដេអូ)
ស៊ីថា
- 711

នៅក្នុងឆ្នាំ ២០១៨នេះ​ រកឃើញអ្នកជាប់និទ្ទេស A ចំនួន ២៩០នាក់ ក្នុងនោះរួមមាន ៖ រាជធានី ភ្នំពេញ ១៣៥នាក់, ខេត្តសៀមរាប ២១នាក់, កណ្តាល ១៦នាក់, បាត់ដំបង ១៥នាក់, តាកែវ ១៥នាក់, កំពង់ចាម ១៣នាក់, កំពត ១១នាក់, ត្បូងឃ្មុំ ៩នាក់, កំពង់ធំ ៩នាក់, កំពង់ឆ្នាំង ៩នាក់, បន្ទាយមានជ័យ ៩នាក់, ព្រៃវែង ៨នាក់, ក្រចេះ ៦នាក់, ពោធិ៍សាត់ ៤នាក់, ស្វាយរៀង ៣នាក់, កំពង់ស្ពឺ ៣នាក់, ព្រះសីហនុ ៣នាក់ និងរតនគិរី ១នាក់។

យ៉ាងណាមិញ បើយើងាកមកមើលប្អូនស្រីម្នាក់ ដែលបានមកអង្គុយចាំស្តាប់លទ្ធផលប្រឡងរបស់ខ្លួនយ៉ាងអន្ទះសារ ក្នុងខ្លួនស្ទើរតែផ្ទុះចេញមកក្រៅ ព្រោះថាចង់ដឹងថា ខ្លួនបាននិទ្ទេសអ្វីឲ្យប្រាកដ។ អំឡុងពេលដែលកំពុងអង្គុយស្តាប់នោះផងដែរ ក៏មានអ្នកផ្តល់កំលាំង ដោយមានអ្នកមានគុណមករង់ចាំស្តាប់លទ្ធផលរបស់កូនស្រីផងដែរ។ ខណៈពេលដែលបានលឺថាជាប់និទ្ទេស A ភ្លាមនោះ ប្អូនស្រីបានស្រែកហោ ព្រមជាមួយឪពុក ដោយអារម្មណ៍ពេលនោះ រកអ្វីមកបរិយាយមិនចេញ រំភើប ភ័យ ញាប់ញ័រ លាយលំគ្នា ។
ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា Meng Ny បានបង្ហោះវីដេអូមួយ ដែលធ្វើឲ្យមហាជនជាច្រើន បានចូលរួមត្រេកអរ​ និងក្តីរំភើបឥតឧបមា ដែលកូនខ្មែរជាច្រើនសុទ្ធតែមានសមត្ថភាពខ្លាំង​ និងត្រេកអរចំពោះប្អូនដែលមិនបានជាប់និទ្ទេសល្អ តែយ៉ាងណាត្រូវតែខិតខំប្រឹងដើម្បីអនាគតនាពេលខាងមុខ។ ម្ចាស់គណនីហ្វេសប៊ុកខាងលើ ក៏បានរៀបរាប់ទាំងក្តីរំភើបថា "Congratulations Srey Neaកូនស្រីមាសម្តាយ បាននិទ្ទេស A លំដាប់ពិន្ទុ 99.965❤️?"
មានវីដេអូ៖ ប្រភព៖ Meng Ny

Loading...