លោកឧកញ៉ា ឌួង ឆាយ សូមទោសដល់ពូមីង បងប្អូន និងអាជីវករលក់សាច់ជ្រូកទាំងអស់ លោកមិនដែលមានចេតនាចង់អោយមានផលប៉ះពាល់ ដល់....

នៅលើផេក ផ្ទាល់ខ្លួនរបស់លោកឧកញ៉ា ឌួង ឆាយ កាលពីយប់មិញថ្ងៃទី១៦ ខែកញ្ញា បានបង្ហោះសារ អមជាមួយនិងការអំពាវនាវដល់ពលរដ្ឋខ្មែរ ផ្អាកទិញសាច់ជ្រូកមកបរិភោគមួយរយៈពេលសិន ដើម្បីចៀសវាងហានិភ័យគ្រោះថ្នាក់ដល់សុខភាព ។

នៅលើផេករបស់លោក លោកឧកញ៉ា មានមនុស្សក៏មានការគាំទ្រ និងមានការចែករំលែក ចំណែកមនុស្សមួយចំនួនទៀតក៏មិនបានគាំទ្រ បន្ទាប់ពីបានឃើញរូបភាពសត្វជ្រូកងាប់អណ្តែតក្នុងទឹក នៅក្នុងទ្រុងកសិដ្ឋាន ហើយរឿងនេះមានតាំងពីឆ្នាំ ២០១៧ មកម្លេះ ។ នៅក្នុងនោះផងដែរ លោកឧកញ៉ា ពុំបានបញ្ជាក់ទីតាំង និងកាលបរិច្ចាទឲ្យបានច្បាស់លាស់អំពីករណីនេះ ជាហេតុធ្វើមានផលប៉ះពាល់ដល់ម្ចាស់អាជីវកម្មជ្រូក និងអាជីរករលក់សាច់ជ្រូកនៅលើទីផ្សារក្នុងស្រុកជាច្រើនមានការមិនពេញចិត្តផងដែរ។

ក្រោយពីបានឃើញដូចនេះ លោកបណ្ឌិត ម៉ុង ឬទ្ធី បានខំមិនប្រតិកម្មតបទៅឧកញ៉ា ឌួង ឆាយ ថា៖ "អ្នកដែលសរសេរលាក់លៀមមិនដាក់កាលបរិច្ឆេទឲ្យបានច្បាស់លាស់ គឺជាមនុស្សមានចេតនាអាក្រក់ ។ នៅពេលនេះគ្មានទឹកជំនន់ជនលិចងាប់ជ្រូកនៅវៀតណាមដូចក្នុងរូបភាពនេះទេ បើតាមមើលទៅរូបភាពនេះកាលពីឆ្នាំទៅមិញទេ 2017"។

យ៉ាងណាមិញក៏មានលេងអ៊ីនធើរណែតជាច្រើនទៀត ចូលរួមបញ្ចេញប្រតិកម្ម និងការព្រួយបារម្ភថា ៖«លោកឧកញ៉ានិយាយចឹងប៉ះពាល់ច្រើនណាស់ សំរាប់អាជីវករលក់ដូរត្រឹមត្រូវក្នុងផ្សារ សំរាប់ជ្រូក CP ល្អ នឹងប្រជាជនខ្មែរដែលគ្នាខំចិញ្ចឹមបានយ៉ាងល្អ នៅក្នុងស្រុក សំរាប់ជ្រូកយួន សូមបិទកុំឲចូលទៅវារួចបាត់ហើយ គួរនិយាយថា “មុននឹងទិញសាច់ជ្រូកត្រូវពិនិត្យថាជាជ្រូកសាច់ស្រល់ រឺ មិនស្រល់ ប្រសិនបើបងប្អូនចង់ដឹងចាំខ្មុំលំអិតដូច ខាងក្រោម 1 ជ្រូក ខ្មែរ # សាច់របស់គឺក្រហម មានក្លាញ់ជាប់ស្បែក នឹងសាច់តែម្ដង មិនមានជាតិទឹកនៅលើសាច់ គឺស្ងួត ទុកបានរយះពេល ១២ម៉ោងបើជ្រូកយួន វាមានលក្ខណះដូចជា សាច់វាគឺមិនសូវ ក្រហម បែប ស្លែក សាច់ ជាប់ស្បែក ហើយនៅលើសាច់មានជាតិទឹក ទុកវាត្រឹមរយះពេលបាន ៣ម៉ោង គឺមានខ្លិនសារ ?» ។ «ខ្ញុំធ្វើជ្រូករស់ហើយទិញតាមភូមិតាបងបើអត់អោយបងប្អូនទាំងអស់គ្នាទិញចឹងខ្ញុំលក់ម៉េចដាច់បង?????គ្រាន់តែបងpostចឹងគេនាំគ្នាផ្អើលផ្សារហើយបងចឹងៗតអោយអាជីវករឈប់លក់សាច់ជ្រូកទូទាំងប្រទេសសិនមែនបងគួតែបងយល់ដល់អ្នកលក់តាមភូមិនឹងផ្សារផង??» ។ «ចុះម៉ាក់ញុំលក់នៅផ្សារ?គាត់មិនដែលយកជ្រូកងាប់មកលក់ឱ្យគេទេ ?ញំុសំុទោសបើញំុនិយាយលើសលួស ?បើផ្អាកមិនឱ្យប្រជាពលរដ្ឋទិញ ចុះអ្នកដែលលក់ត្រឹមត្រូវ មានប្រាក់ឯណាមកផ្គត់ផ្គង់គ្រួសារ ?បើរាល់ថ្ងៃមានមុខរបរតែមួយ មិនមានលុយបើកមុខរបរច្រើនទេ » ។ ទោះយ៉ាងណា បើតាមការស្រាវជ្រាវរបស់យើងចំពោះរូបភាពដែលលោកឧកញ៉ា ឌួង ឆាយ បង្ហោះឡើងអមជាមួយសារអំពាវនាវរបស់លោក គឺត្រូវបានរកឃើញថា នេះជារូបភាពនៃហេតុការណ៍ជ្រូកលង់ទឹកងាប់ ដែលបានកើតឡើងតាំងពីឆ្នាំ២០១៧ នៅឯកសិដ្ឋានចិញ្ចឹមជ្រូកមួយកន្លែងក្នុងស្រុក Yên Định ខេត្ត Thanh Hoa ប្រទេសវៀតណាម ហើយវាបានបណ្តាលឲ្យសត្វជ្រូកជាង ៤០០០ក្បាល ត្រូវងាប់អណ្តែតហើមស្ពីងៗបែបនេះ ។

បន្ទាប់ពីមានប្រតិកម្មយ៉ាងខ្លាំងៗលើបណ្តាញសង្គមហ្វេសប៊ុក ក៏ដូចជានៅក្នុងផេកផ្ទាល់ របស់លោក ឧកញ៉ា ឌួង ឆាយ ខណៈពេលនេះលោក ក៏បានបង្ហោះសារសូមទោស ពូមីងបងប្អូន ដែលបានបង្ហោះព័ត៏មានខុសឆ្នាំនោះ។ លោក ឌួង ឆាយ បានរៀបរាប់ថា៖ "សូមទោសពូមីងបងប្អូនដែល ADMIN FB PAGE របស់ខ្ញុំបានបង្ហោះករណីរឿងជ្រូកដោយសារមើលព័ត៍មានខុសឆ្នាំ, ខ្ញុំទើមតែចុះពីយន្តហោះយប់មិញមកពីប្រទេសសឹង្ហបុរីដោយអស់កំលាំងពេកក៏បានគេងលក់ទើបតែភ្ញាក់ពីដំណេកបានឃើញហើយស្រាវជ្រាវដោះស្រាយ, ហើយអ្វីៗដែលខ្ញុំព្យាយាមធ្វើកន្លងរហូតមកគឺដើម្បីចែករំលែក និងបារម្ភពីសុខភាពរបស់ពូមីងបងប្អូនទាំងអស់គ្នា, ហើយក៏មិនដែលមានចេតនាចង់អោយមានផលប៉ះពាល់ដែរ រឺ ចង់ល្បីដូចអ្នកខ្លះបានគិត និងថាអោយខ្ញុំ។ អ្នកទាំងអស់គ្នាច្បាស់ជាស្គាល់ចរិកពិតរបស់ខ្ញុំច្បាស់ហើយ។ ជាចុងក្រោយសូមពិនិត្រមើលរាល់សាច់ទាំងអស់មុនពេលទិញ សូមអរគុណ និងគោរពស្រលាញ់រាប់អានជានិច្ច ពីខ្ញុំបាទ ឌួង ឆាយ? —————————————————-{ SHARE } សូមពូមីងបងប្អូនទាំងអស់គ្នាកុំទិញសាច់ជ្រូកយកមកធ្វើម្ហូបក្នុងរយៈពេលនេះពីព្រោះសត្វជ្រូក 4,000 ក្បាលបានស្លាប់ក្នុងគ្រោះទឹកជំនន់នៅប្រទេសវៀតណាម។ សូមមេត្តាលោកគយតាមព្រំដែនជួយទប់ស្កាត់ និងបង្រ្កាបផងពីព្រោះអាណិតប្រជាជន និងគ្រួសារយើងទាំងអស់គ្នាក៏ហូបដែរពេលទៅបាយក្រៅ រឺ នៅសាលារៀន"។