លោក ឃួង ស្រេង ដាក់បញ្ជាហាមដាច់ខាត់ មិនត្រូវឲ្យរឺម៉កដឹកធ្យូង ចូលក្នុងក្រុងជាដាច់ខាត

ចប់ហើយ!!! លោក ឃួង ស្រេង ដាក់បញ្ជាហាមដាច់ខាត់ មិនត្រូវឲ្យរឺម៉កដឹកធ្យូង ចូលក្នុងក្រុងជាដាច់ខាត

ភ្នំពេញៈ កាលពីព្រឹកថ្ងៃទី២៦ ខែកញ្ញា ឆ្នាំ២០១៨ លោក ឃួង ស្រេង អភិបាលរាជធានីភ្នំពេញ បានចុះជួបសំណេះសំណាលជាមួយមន្ត្រីរាជការ ចំណុះរដ្ឋបាលខណ្ឌដូនពេញ នៅសាលាខណ្ឌដូនពេញ។ និងបានដាក់បញ្ជាឲ្យមន្ត្រីមូលដ្ឋាន ត្រូវចូលរួមតាមដានក្នុងការហាមឃាត់ រឺម៉កដឹកធ្យូង កុំអោយចូលក្នុងទីក្រុងភ្នំពេញ។

លោកអភិបាលរាជធានីភ្នំពេញ បានបញ្ជាក់ថា «រដ្ឋបាលខណ្ឌដូនពេញ ដោះស្រាយការរៀបចំសណ្តាប់ សំណងគ្មានច្បាប់ ការសង់រោងបិទផ្លូវ សាធារណៈ ពិនិត្យអាវុធជាតិផ្ទុះ គ្រឿងស្រវឹងបន្ថែម និងមិនឲ្យមាន រឺម៉កដឹកធ្យូងចូលក្រុងទេ ។ ត្រូវពង្រឹងការអនុវត្តច្បាប់គ្រប់គ្រងជនបរទេស និងសមាគមមួយចំនួន ដែលមាននិន្នាការប្រឆាំង» ។

ជាមួយគ្នានេះដែរ លោកអភិបាល ក៏បានជម្រុញឲ្យមានការបង្ការទប់ស្កាត់បទល្មើស ដូចជា លួច ឆក់ ប្លន់គ្រប់ប្រភេទ រួមទាំងបង្ការទប់ស្កាត់ គ្រោះអគ្គិភ័យ ដើម្បីការពារសន្តិសុខ និងសុវត្ថិភាព ជូនប្រជាពលរដ្ឋទូទៅ ព្រោះសន្តិសុខនេះ ជាតម្រូវការចាំបាច់ និងចង់បានរបស់មនុស្សគ្រប់គ្នា មិនថាអ្នកមាន និងអ្នកក្រនោះទេ ៕