កាលពីប៉ុន្មានថ្ងៃមុននេះ មានភាពភ្ញាក់ផ្អើលខ្លាំងមួយ ក្រោយពេលរូបភាពប៉ុន្មានសន្លឹក ដែលបង្ហាញពីភាពស្និទ្ធស្នាលយ៉ាងផ្អែមល្ហែម រវាងគូស្នេហ៍ភេទដូចគ្នាមួយគូរ ត្រូវបានអ្នកប្រើប្រាស់បណ្តាញសង្គមហ្វេសប៊ុកនាំគ្នាចុចស៊ែរដោយមិនសំចៃដៃនោះ ដោយពួកគេចាត់ទុកថាជារឿងកម្រមួយខណៈក្រៅពីស្រលាញ់ភេទដូចគ្នា មើលទៅគូស្នេហ៍ទាំងពីរក៏មានវ័យក្មេងៗថែមទៀតផង។
ម្ចាស់គណនីហ្វេសប៊ុកឈ្មោះ Senoun Tk ដែលជាអ្នកបង្ហោះរូបភាពឈរសំឡឹងមុខគូស្នេហ៍នោះ ក៏បានបញ្ចេញសារផ្អែមព្រមដោយការហៅខ្លួនឯងប្រពន្ធពេញៗមាត់ស្តាប់ហើយសឹងលើសជាតិស្ករផងនោះថា "អូនជាប្រពន្ធល្អសម្រាប់បងតែម្នាក់គត់ទោះបីមានរឿងអីក៏ដោយ គឺបងស្រឡាញ់តែអូនមួយគត់យើងទាំងពីរនាក់សន្យាថានឹងស្រលាញ់គ្នាដល់ចាស់កោងខ្នង»។ ក្រោយឃើញការបង្ហោះនេះអ្នកលេងហ្វេសប៊ុកជាច្រើនក៏មិនបានពេបជ្រាយដល់គូស្នេហ៍វ័យក្មេងទាំងពីរនេះឡើយ ដោយបានធ្វើការជូនពរឲ្យជួបស្នេហាយូរអង្វែង និងជោគជ័យក្នុងជីវិតនាថ្ងៃអនាគតដ៏សែនវែងឆ្ងាយ" ៕