ឯកឧត្ដមបណ្ឌិត ម៉ុង ឫទ្ធី ដែលបុគ្គលមួយរូបដែលទទួលបាននូវការគោរពស្រលាញ់យ៉ាងខ្លាំងពីសំណាក់ប្រជាពលរដ្ឋខ្មែរ ពិសេសបងប្អូនកម្មករដោយសារឯកឧត្ដមបណ្ឌិតតែងជួយជនក្រីក្រដោយមិនគិតពីឋានៈអ្វីសោះឡើយ ។
ជាក់ស្ដែងកាលពីព្រឹកថ្ងៃសៅរ៍ ទី២៩ ខែកញ្ញា ឆ្នាំ២០១៨ ឯកឧត្ដមបណ្ឌិតបានអញ្ជើញទៅវត្តក្នុងឱកាសបុណ្យភ្ជុំបិណ្ឌ (បិណ្ឌទីប្រាំ) តាមប្រពៃណីខ្មែរ ដោយហេតុឃើញកុដិក្នុងវត្តឫទ្ធីរតនារាម (កែវផុស) មានសភាពទ្រុឌទ្រោម ឯកឧត្ដមបណ្ឌិតក៏បានសម្រេចចិត្តរួមបច្ច័យជាមួយឯកឧត្តម សេង ទៀង ក្នុងម្នាក់ចំនួន១០,០០០ដុល្លារសរុបពីរមុឺនដុល្លារដើម្បីសាងសង់កុដថ្មថ្មី ។
ខ្លឹមសារតាមការបញ្ជាក់ពីឯកឧត្ដមបណ្ឌិត ម៉ុង ឫទ្ធី លើបណ្ដាញសង្គម៖ «ថ្ងៃសៅរិ៍ទី២៩ ខែកញ្ញា ឆ្នាំ២០១៨ ភរិយាខ្ញុំភ្ញាក់ពីដំណេកតាំងពីម៉ោងបួនទៀបភ្លឺ បបរឈាមជ្រូក ស្លរម្ជូរគ្រឿងសាច់គោ ឆាសណ្តែកបារាំងសាច់គោ និងប្រហុកខ្ទិស ចំអិនរួចហើយហៅប្តីទៅភ្លក់មើលខ្លាចមិនឆ្ងាញ់ ដើម្បីយកទៅប្រគេនព្រះសង្ឃវត្តឫទ្ធីរតនារាម (កែវផុស)បិណ្ឌទីប្រាំ ដោយសង្កេតឃើញថាកុដលោកដែលបានសាងសង់ថ្មក្រោមឈើពីលើ មានសភាពចាស់ទ្រុឌទ្រោមរូបខ្ញុំរួមជាមួយឯកឧត្តម សេង ទៀង បានចូលរួមបច្ច័យគ្នាម្នាក់១០,០០០ដុល្លារ សរុបពីរមុឺនដុល្លារដើម្បីសាងសង់កុដថ្មថ្មីប្រគេនព្រះសង្ឃតែម្តង ។»
.jpg?1751610233)
.jpg?1751610233)
