កម្លាំងនគរបាលខេត្តកំពង់ស្ពឺ ឃាត់ខ្លួនជនជាតិចិន២នាក់ ក្រោយពីធ្វើសកម្មភាពលួចកាបូប ក្នុងរោងចក្របានដល់ទៅ៧២កាបូប - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

កម្លាំងនគរបាលខេត្តកំពង់ស្ពឺ ឃាត់ខ្លួនជនជាតិចិន២នាក់ ក្រោយពីធ្វើសកម្មភាពលួចកាបូប ក្នុងរោងចក្របានដល់ទៅ៧២កាបូប

កំពង់ស្ពឺៈ កាលពីថ្ងៃទី២៨ ខែកញ្ញា ឆ្នាំ២០១៨ ស្ថិតក្នុងភូមិត្រពាំងសាំងជៀក ឃុំត្រពាំងគង ស្រុកសំរោងទង ខេត្តកំពង់ស្ពឺ។ ជនជាតិចិនស្រីប្រុស២នាក់ ត្រូវកម្លាំងនគរបាលខេត្តកំពង់ស្ពឺ ធ្វើការឃាត់ខ្លួនក្រោយពីពួកគេបានធ្វើសកម្មភាពលួចកាបូប នៅចំណុចក្នុងក្រុមហ៊ុនស៊ូភៀល (ខេមបូឌាផលិតកាបូប) ។

លោក កែវ វាសនា នាយរងការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលខេត្តកំពង់ស្ពឺ បានឲ្យដឹងថា ការឃាត់ខ្លួនជនជាតិចិនស្រីប្រុសទាំង២នាក់ មានឈ្មោះ ស៊ុន គួយហ្សាំង ភេទស្រី អាយុ៤០ឆ្នាំ និងឈ្មោះ លៀវ យ៉ុង ភេទប្រុស អាយុ៣៦ឆ្នាំជាជនជាតិចិន ស្នាក់នៅក្នុងក្រុមហ៊ុនផលិតកាបូប ស្ថិតក្នុងភូមិត្រពាំងសាំងជៀក ឃុំត្រពាំងគង ស្រុកសំរោងទង។ ក្រោយពីទទួលដំណឹងថា ជនជាតិចិនទាំង២នាក់ ខាងលើនេះ បានធ្វើសកម្មភាពលួចកាបូបក្នុងរោងចក្រខាងលើ។

លោកបន្តថាក្រោយពីឃាត់យកមកសាក់សួរនៅការិយាល័យព្រហ្មទណ្ឌខេត្ត ជនសង្ស័យទាំង២នាក់ បានសារភាពថា ពួកគេពិតជាបានលួចកាបូបពិតប្រាកដមែន មានចំនួន៧២កាបូប។ ខាងលោកបានឲ្យខាងតំណាងក្រុមហ៊ុន ស៊ូភៀល ខេមបូឌា ផលិតកាបូបមកយកទៅវិញ។ ចំណែកជនសង្ស័យទាំង០២នាក់ កំពុងកសាងសំណុំរឿងបញ្ជូនទៅសាលាដំបូងខេត្តកំពង់ស្ពឺ ចាត់ការតាមនីតិវិធី៕