ស្ត្រីម្នាក់មានមុខរបរជាអ្នករកស៊ីក្តាមស្រែ ត្រូវបានអ្នករត់កងបីឥណ្ឌាមិនស្គាល់អត្តសញ្ញាណម្នាក់ បោកយកក្តាមស្រែអស់ចំនួន ៣០គីឡូក្រាម ដោយគិតជាទឹកប្រាក់ចំនួន ១៥ម៉ឺនរៀល។ ស្រែកទ្រហោយំ ផ្អើលដល់ លោក អ៊ុន សំអាត មេប៉ុស្តិ៍នគរបាលវត្តភ្នំ ហៅទៅធ្វើការសួរនាំ ដោយសារក្តីអាណិតលោកមេប៉ុស្តិ៏បានផ្តល់ថវិកាផ្ទាល់ខ្លួនចំនួន ៥០ដុល្លារ ជនស្ត្រីរងគ្រោះនោះជាដើមទុនទិញក្តាមយកទៅលក់បន្តរ។

លោក អ៊ុន សំអាត បានសរសេររៀបរាប់នៅក្នុងគណនីហ្វេសប៊ុករបស់ខ្លួនថា៖ “ថ្ងៃនេះខ្ញុំបានជួបបងស្រីម្នាក់រកស៊ីទិញក្តាមស្រែលក់ ត្រូវបានអ្នករត់ past App បោកយកទៅបាត់ អស់ក្តាមចំនួន30kg គិតជាទឹកប្រាក់ ចំនួន150.000 រៀល។ ហើយគាត់អស់ដើមប្រកបមុខរបរហ្នឹងទៀតហើយ ខ្ញុំក៏បានជូនគាត់ ចំនួន 50$ ដើម្បីអោយគាត់មានដើមទុនរកស៊ីបន្តទៀត”៕

ប្រភព៖​ហេងលី