តាមពិតរថយន្ដ ដែលឆាបឆេះ ក្នុងទឹកដីកំពង់ស្ពឺ គឺជារថយន្ដទៅសម្ដែង របស់តារាសម្តែង យន សុភ័ក្រ សោះ រត់ចេញពីឡានសឹងមិនចង់ទាន់....(មានវីដេអូ)

តាមពិតរថយន្ដ ដែលឆាបឆេះ ក្នុងទឹកដីកំពង់ស្ពឺ គឺជារថយន្ដទៅសម្ដែង របស់តារាសម្តែង យន សុភ័ក្រ សោះ រត់ចេញពីឡានសឹងមិនចង់ទាន់

កំពង់ស្ពឺៈ កាលពីព្រឹក ថ្ងៃទី៣ ខែតុលា ឆ្នាំ២០១៨ ត្រង់ចំណុចផ្លូវកោង (អន្ទង់អាំង) ស្ថិតក្នុងភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ។ មានហេតុការណ៏ដ៏រន្ធត់មួយ ដោយរថយន្តមួយគ្រឿង ម៉ាក សាំយ៉ុង ពាក់ស្លាកលេខកណ្តាល 2B 9925។ មុនពេលកើតហេតុ គេឃើញអ្នកបើកបរមិនស្គាល់ឈ្មោះ បើកបរពីត្បូងទៅជើង។ លុះបើកមកដល់ចំណុចខាងលើ ស្រាប់តែឃើញផ្សែងហុយចេញពីកន្លែងម៉ាស៊ីន រួចបង្កឲ្យមានអណ្តាតភ្លើងឆាបឆេះរថយន្តតែម្តង។

តែអ្វីដែលជាក់លាក់នោះ គឺថារថយន្ដដែលឆាបឆេះនេះ គឺជារថយន្ដដឹកតារាសម្តែង យន សុភ័ក្រ ដែលគេស្គាល់ថា ជាតារាចេញមុខសកម្មភាពមនុស្សធម៌ និងថតស្ប៉ត ព្រមទាំងរឿងភាគល្បីៗ បានជួបគ្រោះថ្នាក់ចរាចរណ៍ ពេលទៅសម្តែងថតនៅលើភ្នំគិរីរម្យ។ ក្នុងចំណោមឡានដែលជួលគេចំនួន៣គ្រឿង គឺមានតែឡានក្រុមតារារូបនេះទេ បានផ្ទុះឆេះឡើងយ៉ាងសន្ឋោរសន្ឋៅស្ទើរតែរត់ចេញមិនទាន់។

លោក យន សុភ័ក្រ បានឲ្យដឹងថា ចាត់ទុកថា សំណាងរបស់ក្រុមលោក ព្រោះឡាននោះបានធំក្លិនឈ្ងៀមតាំងពីមុនពេលឡើងលើភ្នំគិរីរម្យម្ល៉េះ ដោយពូតៃកុងឡានគាត់ឈប់ធ្វើបានមួយតង់រួចរាល់ គាត់ថា មិនអីក៏ឡើងជិះបន្តទៅមុខ។ ប៉ុន្តែពួកយើងដែលមានគ្នា១០នាក់ក្នុងឡាន នៅតែតាមដានមើលឡានជាប់រហូត ហើយបន្តឈ្ងៀមឡានចេញពីកាប៊ីនមុខហុយទៅៗ។

លោកបន្តថា លុះមិនទុកចិត្តបើកមើល ស្រាប់តែឃើញឆេះមានអណ្តាតភ្លើងក៏ស្ទុះនាំគ្នាចុះពីឡាន ដោយលឿនៗបំផុតចាត់គ្នារើឥវ៉ាន់ក្តោបរៀងៗខ្លួនរត់ចេញ ខ្លះជញ្ជូន ព្រោះនៅតំបន់ស្ងាត់ ភ្លើងក៏កាន់តែឆេះ។

លោកបន្តទៀតថា នៅទីបំផុតឡាននោះក៏ផ្ទុះឆេះយ៉ាងសប្បាយក្រោមអំណាចភ្លើង មិនខ្វល់ពីការភ័យព្រួយរបស់អ្នកដំណើរ ឬការសោកស្តាយរបស់តៃកុងឡានឡើយ។ នេះជាហេតុការណ៍លើកទី១ហើយ ដែលលោកបានជួបប្រទះ បន់ស្រន់អស់ហើយវត្ថុសាកសិទ្ធិ នឹងចាត់ទុកថាជាសំណាងបំផុតដូចធ្វើបុណ្យដល់សម្រាប់ក្រុមសិល្បករដែលរួមដំណើរជាមួយគ្នា។ ដូចនេះសូមបងប្អូនប្រុងប្រយ័ត្នមើលឲ្យអស់មុនបញ្ជារថយន្តចេញទៅផ្លូវឆ្ងាយដើម្បីសុខសុវត្ថិភាព។