ភ្នំពេញ ៖ អនុវត្តតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលរាជធានីភ្នំពេញនឹងរៀបចំរថយន្តក្រុងដឹកជញ្ជូនអ្នកដំណើរចំនួនជាង២០០គ្រឿង ដើម្បីដឹកជញ្ជូនមន្ត្រីរាជការកងកម្លាំងប្រដាប់អាវុធ បងប្អូនប្រជាពលរដ្ឋ កម្មករ កម្មការិនី ទាំងអស់ ចេញពីរាជធានីភ្នំពេញ ទៅតាមបណ្តាលខេត្ត និងពីខេត្តមករាជធានីភ្នំពេញវិញ ដោយមិនយកប្រាក់ ក្នុងឱកាសបុណ្យភ្ជុំបិណ្ឌប៉ុន្មានថ្ងៃនេះ។
នេះបើតាមសេចក្តីជូនដំណឹងរបស់រដ្ឋបាលរាជធានីភ្នំពេញ ហើយក្នុងសេចក្តីជូនដំណឹងនេះ ក៏បានបង្ហាញពីទីតាំងចំណតជាច្រើនកន្លែង ដើម្បីអោយបងប្អូនបានដឹង និងបានទៅទទួលនូវសេវាដឹកជញ្ជូនដោយមិនគិតថ្លៃនេះផងដែរ។
សម្រាប់ប្រជាពលរដ្ឋនៅរាជធានីភ្នំពេញ រដ្ឋបាលរាជធានីភ្នំពេញ ប្រើប្រាស់រថយន្តក្រុងចំនួន៩៥គ្រឿងរយៈពេល៣ថ្ងៃ ដោយចាប់ពីថ្ងៃទី០៨ដល់ថ្ងៃទី១០ តុលា។
សម្រាប់ប្រជាពលរដ្ឋនៅតាមបណ្តាលខេត្ត រដ្ឋបាលរាជធានីភ្នំពេញ បានរៀបចំរថយន្តក្រុងចំនួន១២០គ្រឿងសម្រាប់ដឹកមន្ត្រីរាជការកងកម្លាំងប្រដាប់អាវុធ បងប្អូនប្រជាពលរដ្ឋ កម្មករ កម្មការិនី ទាំងអស់ ចេញពីរាជធានីភ្នំពេញ ទៅតាមបណ្តាខេត្តនិងពីខេត្តមករាជធានីវិញ ដោយប្រើប្រាស់រយៈពេល៦ថ្ងៃ ដោយចាប់ពីថ្ងៃទី០៦ដល់ថ្ងៃទី១១ តុលា។
ចំពោះរថយន្តក្រុងដឹកជញ្ជូនអ្នកដំណើរមិនយកប្រាក់ចំនួន១២០គ្រឿងសម្រាប់ដឹកមន្ត្រីរាជការកងកម្លាំងប្រដាប់អាវុធ បងប្អូនប្រជាពលរដ្ឋ កម្មករ កម្មការិនី ទាំងអស់ ចេញពីរាជធានីភ្នំពេញ ទៅតាមបណ្តាខេត្តនិងពីខេត្តមករាជធានីវិញ ដោយប្រើប្រាស់រយៈពេល៦ថ្ងៃ ដោយចាប់ពីថ្ងៃទី០៦ដល់ថ្ងៃទី១១ តុលានេះ ក្នុងនោះ រួមមាន នៅផ្លូវជាតិលេខ១ ឡើងរថយន្តនៅមហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) ទល់មុខក្រុមហ៊ុន ម៉ែកស៊ឺដេសបីន សម្រាប់បងប្អូនដែលធ្វើដំណើរតាមផ្លូវជាតិលេខ១ ឆ្ពោះទៅ ស្វាយរៀងនិងព្រៃវែងមានចំនួន១០គ្រឿង ។
ផ្លូវជាតិលេខ២ ឡើងរថយន្តនៅមហាវីសម្តេចតេជោ ហ៊ុន សែន (ផ្លូវ៦០ម៉ែត្រ) ទល់មុខក្រុមហ៊ុន ម៉ែកស៊ឺដេសបីន សម្រាប់បងប្អូនដែលធ្វើដំណើរតាមផ្លូវជាតិលេខ១ ឆ្ពោះទៅ ខេត្តតាកែវនិងក្រុងកែបមានចំនួនចំនួន១០គ្រឿង ។
ផ្លូវជាតិលេខ៣ ឡើងរថយន្តនៅមុខនៅមុខផ្សារសិនជូរីផ្លាហ្សា សម្រាប់បងប្អូនដែលធ្វើដំណើរឆ្ពោះទៅខេត្តកំពត ចំនួន១០គ្រឿង ។
ផ្លូវជាតិលេខ៤ ឡើងរថយន្តនៅមុខនៅមុខផ្សារសិនជូរីផ្លាហ្សា សម្រាប់បងប្អូនដែលធ្វើដំណើរ ឆ្ពោះទៅខេត្តកំពង់ស្ពឺ និង ខេត្តព្រះសីហនុ ចំនួន១០គ្រឿង ។
ផ្លូវជាតិលេខ៥ ឡើងរថយន្តនៅមុខនៅចំណតរថយន្តឬស្សីកែវ ឆ្ពោះទៅខេត្តកំពង់ឆ្នាំង ពោធិសាត់ ខេត្តបាត់ដំបងនិងខេត្តបន្ទាយមានជ័យ ខេត្តកណ្តាល ព្រៃវែង និងខេត្តស្វាយរៀង មានចំនួន៤០គ្រឿង។
ផ្លូវជាតិលេខ៦ ឡើងរថយន្តនៅមុខនៅផ្លូវបេតុងក្នុងតំបន់អភិវឌ្ឍន៍ក្រុងរណបជ្រោយចង្វារក្ខងជើងរង្វង់មូលព្រហ្មមុខ៤ ឆ្ពោះទៅខេត្តកំពង់ធំនិងសៀមរាបមានរថយន្តចំនួន១៥គ្រឿង។
ផ្លូវជាតិលេខ៦ លេខ៧ ឡើងរថយន្តនៅមុខនៅផ្លូវបេតុងក្នុងតំបន់អភិវឌ្ឍន៍ក្រុងរណបជ្រោយចង្វារក្ខងជើងរង្វង់មូលព្រហ្មមុខ៤ ឆ្ពោះទៅខេត្តកំពង់ចាមមានរថយន្តចំនួន១០គ្រឿង។
ផ្លូវជាតិលេខ៦និងលេខ៨ ឡើងរថយន្តនៅមុខនៅចំណតរថយន្តគីឡូម៉ែត្រលេខ៩ ឆ្ពោះទៅខេត្តត្បូងឃ្មុំ ក្រចេះនិងខេត្តស្ទឹងត្រែង៕
ប្រភព៖ kampucheathmey.com
.jpg?1751610233)
.jpg?1751610233)
