តារាចំរៀងប្រចាំផលិតកម្មរស្មីហង្សមាស លោក ឆន សុវណ្ណរាជ បានជូនចិញ្ចៀនពេជ្រដល់អ្នកម្ដាយជាទីស្រឡាញ់ក្នុងឱកាសបុណ្យភ្ជុំបិណ្ឌ។ ក្នុងនាមជាកូនប្រុសម្នាក់លោក បានទិញចិញ្ចៀនពេជ្រមួយវង់ជូនអ្នកម្ដាយដើម្បីបញ្ជាក់ពីទឹកចិត្តបន្តិចបន្តួចចំពោះអ្នកមានគុណ។
យ៉ាងណាមិញនៅក្នុងគណនីហ្វេសប៊ុកបានរៀបរាប់ថា "មុនពេលអ្នកទៅធ្វើបុណ្យនៅវត្ត កុំភ្លេចព្រះរស់នៅផ្ទះណា ធ្វើបុណ្យជាមួយលោកអ្នកមានគុណមុនរួចចាំទៅធ្វើបុណ្យទាននៅវត្តព្រោះគុណលោកធំធេងណាស់ ???"
នៅក្នុងថ្ងៃនេះផងដែរ លោកក៏បានរូបភាពអ្នកម្តាយជាទីស្រលាញ់ អមជាមួយនឹង ស្នាមញញឹមរបស់អ្នកម្តាយ ធ្វើឲ្យកូនប្រុសម្នាក់នេះ ត្រជាក់ចិត្តយ៉ាងខ្លាំង លោកបានលើកឡើងថា "ធ្វើបុណ្យទាន់ខែភ្លឺ ទាន់លោកមើលឃើញនឹងទទួលបាន ទឹកចិត្តតិចតួចពីកូនម្នាក់នេះសំរាប់លោកក្នុងខែបុណ្យខែទាន អ្វីដែលចង់ឃើញគឺលោកសប្បាយបានចិត្ត អរគុណដល់ហាងពេជ្រសេងចិន្តា@seng.chenda76 ដែលបានច្នៃម៉ូដយ៉ាងស្រស់ស្អាតសំរាប់ម្តាយខ្ញុំ? * រូបភាពល្អៗគំរូល្អៗគ្រាន់ចង់ចែករំលែកសូមកុំគិតអីអោយលើសពីនេះ??អរគុណបាទ*"។
អ្នកគាំទ្រលោកជាច្រើន ក៏បានចូលរួមត្រេចអរផងដែរ ព្រមទាំងសរសើរពីលោកមិនដាច់ពីមាត់ថា "កូនល្អ"។
ប្រភពរូប៖ Chhorn Sovannareach