ខេត្តបន្ទាយមានជ័យ ៖ កាលពីថ្ងៃទី០៥ ខែតុលា ឆ្នាំ២០១៨ រថយន្តម៉ាកតូយ៉ូតា​ព្រូសមួយគ្រឿង បុកជាមួយម៉ូតូមួយគ្រឿងយ៉ាងពេញទំហឹង បណ្តាលឲ្យបុរសម្នាក់រងរបួសយ៉ាងធ្ងន់ធ្ងរ នៅភូមិ​សាមគ្គី​មានជ័យ សង្កាត់​និង​ក្រុង​ប៉ោយប៉ែត ខេត្តបន្ទាយមានជ័យ។

មុនពេល​កើតហេតុ គេបុរស​ម្នាក់ បើកបរ​ពី​ត្បូង​ទៅ​ជើង ម៉ូតូ​មាន​ស្លាក​លេខ 1S-9958 ហើយ​រថយន្ត​បាន បើក​ចេញពី បុរី​ហ្គោ​ត​ឡាក់ ក្នុងទិសដៅ ពី​កើ​តទៅ​លិច ដែលមាន​ស្លាក​លេខ​ភ្នំពេញ 2AG- 2776 លុះដល់​ចំនុចកើតហេតុ​ខាងលើ បាន​បុក​ម៉ូតូ​ចំ​ពេញទំហឹង អូស​ម៉ូតូ​ជាង១០មែត្រ បណ្តាលអោយ​បុរស​វ័យក្មេង​ម្នាក់ បាន​រងរបួស​ត្រង់​ក្បាល យ៉ាងធ្ងន់ធ្ងរ ត្រូវបាន​ដឹកយក​ទៅ សង្គ្រោះ​នៅ​មន្ទីរពេទ្យភ្លាមៗផងដែរ។ យ៉ាងណាមិញ​ ពុំមានអ្នកស្គាល់អត្តសញ្ញាណ ជនរងគ្រោះទេ ៕

ដោយ៖​ភក្រ្តា