អុញនោះ...ធី សុវណ្ណថា លេងមែនទែនហើយដោយប្រាប់ថានឹងសិក្សាច្បាប់ដើម្បីដាក់ពាក្យប្ដឹង ចំប៉ីខ្មៅ ( ហេង យិន ) ពីបទបរិហាកេរ្តិ៍ និងប្រមាថវប្បធម៌ជាតិខ្មែរ
បើទោះបីជាមានការចេញមុខសុំទោសជាសាធារណៈពីលោក ហេង យិន ហៅ ចំប៉ីខ្មៅ ក៏ដោយក៏រឿងនេះនៅពុំទាន់ចប់ឡើយ ។
កាលពីថ្ងៃទី២១ ខែតុលា ឆ្នាំ២០១៨កន្លងទៅនេះ កញ្ញា ធី សុវណ្ណថា បានធ្វើការស្ទង់មតិមហាជនតាមរយៈការបោះឆ្នោត ៤៨ម៉ោងដើម្បីដាក់បន្ទុក ចំប៉ីខ្មៅ ។
ជាក់ស្ដែងនារសៀលថ្ងៃទី២៣ ខែតុលា ឆ្នាំ២០១៨នេះ បើតាមប្រភពហ្វេសប៊ុករបស់កញ្ញា ធី សុវណ្ណថា បានបញ្ជាក់ប្រាប់ថា ពេលនេះនាងកំពុងសិក្សាដើម្បីដាក់ពាក្យប្ដឹង ចំប៉ីខ្មៅ ( ហេង យិន ) ពីបទបរិហាកេរ្តិ៍ និងប្រមាថវប្បធម៌ជាតិខ្មែរ។
នាងបានសរសេររៀបរាប់លើបណ្ដាញសង្គមរបស់ខ្លួនថា៖ «ឆាប់ៗនេះនាងខ្ញុំ និងសមាគមន៍សិល្បៈ សម្រេចបើកកិច្ចប្រជុំសិក្សានិតិវិធីច្បាប់ ដើម្បីដាក់ពាក្យប្តឹងលោក Heng Yinពីបទបរិហាកេរ្តិ៍ និងប្រមាថវប្បធម៌ជាតិខ្មែរ...» ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។
