រឿងមិនធ្លាប់ជួប! ត្រីដែលគេ ល្បីថាជាកូនរបស់នាងមច្ឆានៅរង្វង់មូលផ្សារដើមថ្កូវ ដឹងប្រវត្តិហើយ មិនគួរឲ្យជឿ.. - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

រឿងមិនធ្លាប់ជួប! ត្រីដែលគេ ល្បីថាជាកូនរបស់នាងមច្ឆានៅរង្វង់មូលផ្សារដើមថ្កូវ ដឹងប្រវត្តិហើយ មិនគួរឲ្យជឿ..

ភ្នំពេញ៖ កាលពីថ្មីៗនេះ មានមនុស្សម្នាជាច្រើន បានការមន្ទិលសង្ស័យ នៅរង្វង់មូលនាងមច្ជា ដែលគេស្គាល់ថា ជារង្វង់មូលផ្សារដើមថ្កូវ ស្រាប់តែថ្មីៗនេះ មានត្រីធំៗជាច្រើនក្បាល ក្នុងអាងទឹកនាង នាងមច្ជា ទាំងមិនមុនមកមិនដែលមានបែបនេះ។ ការភ្ញាក់ផ្អើលនេះ ត្រូវបានបែកធ្លាយ តាមពិត មាននិស្សិតស្រីម្នាក់ បានយកត្រីជាច្រើនទៅលែងក្នុងអាងនោះ តាំងពីនៅតូចៗ តែពេលឃើញគេបង្ហោះរូបប្ដូរទឹកឃើញត្រីធំៗ ទើបភ្ញាក់ផ្អើលមិននឹកស្មានដល់ថា វាធំយ៉ាងនេះ។

ក្នុងនោះដែរ ការភ្ញាក់ផ្អើលបែបនេះ គឺនៅពេលដែលអាជ្ញាធរបានចុះមកកាយចកចេញ បម្រុងប្ដូរទឹកកខ្វក់នោះ ស្រាប់តែឃើញត្រីធំៗជាច្រើនក្បាល ដែលគ្រប់គ្នាមិនធ្លាប់ដឹងពីមុនមក ព្រោះអាងទឹកនេះតូចល្មមប៉ុណ្ណោះ ហើយត្រូវកម្ដៅថ្ងៃខ្លាំងជារៀងរាល់ថ្ងៃ។

ប្រភពពីប្រជាពលរដ្ឋបានឲ្យដឹងថា មនុស្សជាច្រើន ដែលមានទាំងក្មេងចាស់ បាននាំគ្នាចតកង់ ម៉ូតូ មើលទៅក្នុងអាងទឹកនៃរង្វង់មូលផ្សារដើមថ្កូវតាំងពីថ្ងៃទី២៦ តុលា។ នៅក្នុងអាងនោះ គេបានឃើញត្រីដៀប ឬត្រីឆ្ដោ ជាច្រើនក្បាល ដែលខ្លះមានទំហំដងខ្លួនជិតកន្លះម៉ែត្រ ហើយមានទម្ងន់រហូតដល់ទៅ ៥ ឬ ៦គីឡូក្រាមឯណោះ។ អ្នកដែលបានឃើញហើយ លាន់មាត់គ្រប់គ្នាថា មិនធ្លាប់ដឹងពីមុនមកទេ ថាក្នុងអាងទឹកនេះ មានត្រីនៅ។

អ្នករត់ម៉ូតូឌុបម្នាក់ បាននិយាយថា៖ “ខ្ញុំមិនដែលដឹងសោះ ថាក្នុងទឹកហ្នឹងមានត្រី មកចតម៉ូតូអង្គុយក្បែររាល់ថ្ងៃ ស្រាប់តែឃើញ ឃើញឡើងធំៗចឹងហ្មង។ សង្ស័យមានអ្នកយកមកលែងយូរហើយមើលទៅ។” ទោះបែបនេះក្ដី បុរសចំណាស់ខាងលើនេះ បានបង្ហាញចម្ងល់ថា ត្រីទាំងអស់នេះ រស់នៅ និងធំធាត់បែបណាកើត បើអាងតូចមួយ ហើយគ្មានអ្នកដាក់ចំណីផងឱ្យវាស៊ីផងហ្នឹង។

ក្រោយឃើញការបង្ហោះនេះ នារីម្នាក់ដែលមានឈ្មោះលើបណ្ដាញសង្គម Facebook ថា Mss Da បានសរសេររៀបរាប់ថា អាងទឹកនៃរង្វង់មូលផ្សារដើមថ្កូវនេះ ជាកន្លែងដែលនាងធ្លាប់ប្រលែងត្រីតាំងពីមានអាយុ ៧ឆ្នាំ រហូតដល់រៀនថ្នាក់ទី៩ ទើបឈប់លែង។ ត្រីទាំងនោះ នាងបានយកពីផ្សារទៅលែង ។ នៅពេលឃើញម្ដងទៀតបែបនេះ នាងក៏មានអារម្មណ៍ថានឹកស្មានមិនដល់ដែរ ហើយសង្ឃឹមថា ក្រោយសម្អាតរួច នឹងលែងវាដូចដើមវិញ ដើម្បីឱ្យវានៅរស់។