បេក្ខនារីតំណាងប្រទេសកម្ពុជា កញ្ញា កែវ សេង​លី​ហួរ  បានចូលរួមក្នុងកម្មវិធី​ប្រកួត​សម្រស់ និង បរិស្ថាន​ដ៏​ធំ Miss Earth 2018 នៅឯ​ប្រទេស​ហ្វ៊ី​លី​ពី​ន  បានវិលត្រឡប់មកដល់ប្រទេសកម្ពុជាវិញហើយ បន្ទាប់ពីការប្រកួតបានបញ្ចប់ជាស្ថាពរ ដោយម្ចាស់គ្រងមកុដគឺជាបវរកញ្ញា Miss Earth 2018 មកពីប្រទេសវៀតណាម។

យ៉ាងណាមិញ កញ្ញា កែវ សេង​លី​ហួរ ស្ថិតនៅក្នុងព្រលានយន្តហោះ ខេត្តសៀមរាប ហើយនិងបន្តដំណើរទៅកាន់រាជធានីភ្នំពេញក្នុងពេលឆាប់ៗនេះ។ បើងាកមកមើលពីទិដ្ឋភាពនៅក្នុងព្រលានយន្តហោះនោះវិញ គឺមានកញ្ញា អែម គុណ​ថង និង ក្រុមការងារ​ជាច្រើន​ទៀត បានមក​ទទួល​ដល់​ព្រលានយន្តហោះ ដើម្បី​ស្វាគមន៍​ការវិលត្រឡប់​មួយ​នេះ ។​

ដោយឡែកក្នុងការប្រកួតឯណោះវិញ ថ្វីត្បិតតែកញ្ញាមិនទទួលបានជោគជ័យក្តី ប៉ុន្តែយ៉ាងណាកញ្ញាបានខិតខំ អស់ពីសមត្ថភាពបានយ៉ាងល្អហើយ។ តែអ្វីដែគួរឲ្យកត់សម្គាល់នោះ គឺកញ្ញា កែវ សេង​លី​ហួរ បានបង្ហាញ និង នាំយក​ឈ្មោះ​កម្ពុជា ទង់ជាតិ​កម្ពុជា ព្រមជាមួយ​ប្រពៃណី​ទំនៀមទម្លាប់​មួយចំនួន ទៅ​ផ្សព្វផ្សាយ​ដល់​បណ្តា​ប្រទេស​ជុំវិញ​ពិភពលោក​បាន​ស្គាល់ និង កាន់តែ​យល់ច្បាស់​អំពី​ប្រទេស​កម្ពុជា ដែល​នេះ​ជា​មោទកភាព​មួយ​របស់​កញ្ញា និង ប្រជាជន​កម្ពុជា​ទាំងមូល ៕

ប្រភព៖ Miss Earth Cambodia