វៀតណាមៈ ជឿថាប្រិយមិត្តមួយចំនួន នៅចាំនារីម្នាក់នេះបាន ដោយកាលពី១ឆ្នាំមុន នាង Phuong ត្រូវបានគេចាប់អារម្មណ៍​លើនាងយ៉ាងខ្លាំង តាមបណ្តាញសង្គមហ្វេសប៊ុក ដោយសារតែ មុខរបស់នាង បានប្តូរទាំងស្រុុង ពីមនុស្សស្រី ដែលមើលមិនយល់ ក្លាយជាស្រីស្អាតក្នុងមួយពព្រិចភ្នែក។ ក៏ព្រោះតែ​ ចង់ផ្គាប់ចិត្តស្វាមីរបស់នាង មិនចង់ឲ្យមហាជនចំអន់ស្វាមីនាង ថាបានប្រពន្ធមុខអាក្រក់នោះទេ។ នាងក៏បាននិយាយដែរថា លើមុខរបស់នាង គឺកែសម្ផស្ស ឡើងសុះសាច់ មិនថាភ្នែក ច្រមុះ មាត់​ និង ចង្ការ ទម្រាំបានស្អាតបែបនេះ។

ប៉ុន្តែមិនបានប៉ុន្មានឆ្នាំផង នារីរូបនេះ ក៏បានធ្វើឲ្យគេភ្ញាក់ផ្អើលជាថ្មី កាលពីប៉ុន្មានថ្ងៃមុននេះ ដោយរូបនាង បានបង្ហោះរូបថតប៉ុន្មានសន្លឹក​ ដោយបង្ហាញសភាពមុខរបស់នាង សុទ្ធតែស្នាមក្រហម និងមានចេញឈាមបន្តិចៗផងដែរ។ ក្នុងនោះដែរ ក៏មានមនុស្សជាច្រើន បាននាំគ្នា​ បញ្ចេញគំនិតផ្សេងៗគ្នា ដោយអ្នកខ្លះ បានគិតថា មកពី​ការប្រតិកម្ម នៃការកែសម្ផស្ស របស់នាង ដែលលេចចេញស្នាម ត្រង់ច្រមុះ និង ជុំវិញបបូរមាត់យ៉ាងដូច្នេះ។ ហើយអ្នកផ្សេងទៀត ក៏បាននិយាយថា ស្នាមបែបនេះ ហាក់ដូចជា ដួលម៉ូតូ និងវ៉ៃគ្នាច្រើនជាង ៕