ភ្នំពេញៈ កាលពីវេលាម៉ោង៦ៈ៤៥នាទីយប់ ថ្ងៃទី៥ ខែវិច្ឆិកា ឆ្នាំ២០១៨ តាមបណ្តោយផ្លូវបេតុង នៅចំណុចបុរីមហាសេដ្ឋ ស្ថិតនៅក្នុងភូមិសាមគ្គី សង្កាត់ឫស្សីកែវ ខណ្ឌឫស្សីកែវ។ សមត្ថកិច្ចធ្វើការឃាត់ខ្លួនមុខសញ្ញា កាប់ប្លន់យកម៉ូតូ២នាក់។
តាមសំដីជនគ្រោះ ជាអ្នករត់ម៉ូតូឌុបបានឲ្យដឹងថា កាលពីថ្ងៃទី៣ ខែវិច្ឆិកា ឆ្នាំ២០១៨ ម៉ោងប្រហែលជា៧យប់ នៅម្តុំរ៉ារទះភ្លើងផ្លូវទំនប់៧០ សង្កាត់ទួលសង្កែ១ ខណ្ឌឫស្សីកែវ មានជនសង្ស័យ២នាក់ មិនស្គាល់អត្តសញ្ញាណ ដើរមកធ្វើជាសួរនាំគាត់ រួចម្នាក់ទៀតបានដកដាវសាំម៉ូរៃ មកកាប់ទៅលើជនរងគ្រោះ ចំនួន២កាំបិត បណ្តាលឲ្យរងរបួសយ៉ាងដំណំ រួចម្នាក់រត់ចូលក្នុងរ៉ារទះភ្លើងនឹងម្នាក់ទៀតទាញម៉ូតូ ស្មាសវីពាក់ស្លាកលេខ ភ្នំពេញ 1BL-8439 បើកចេញទៅបាត់ស្រមោល។
បាន២ថ្ងៃក្រោយមក ក៏មានកម្លាំងជំនាញព្រហ្មទណ្ឌ ខណ្ឌឫស្សីកែវ បានស្រាវជ្រាវរកជនសង្ស័យម្នាក់ ចាប់បាននៅចំណុចផ្លូវបេតុង ក្នុងបុរីមហាសេដ្ឋ ក៏យកទៅសួរនាំ លុះពេលបានប្រហែលជា២ទៅ៣ម៉ោងក្រោយមក បន្ទាប់ពីការស្រាវជ្រាវយ៉ាងយកចិត្តទុកដាក់រហូតឈានទៅចាប់បានម្នាក់ទៀត នៅចំណុចបឹងកក់ សង្កាត់ស្រះចក ខណ្ឌដូនពេញ ក្រោយពេលឃាត់ខ្លួនបានហើយជនសង្ស័យទាំង២អ្នកនោះ បានឆ្លើយសារភាពប្រាប់ថា ពួកគេពិតជាបានធ្វើសកម្មភាពវាយប្លន់យកម៉ូតូពិតមែន ហើយយកទៅបញ្ចាំបានលុយចំនួន200$ ។ ជនសង្ស័យនេះ ត្រូវបានសមត្ថកិច្ចកសាងសំណុំរឿងបញ្ជូនទៅកាន់តុលាការ ដើម្បីចាត់ការទៅតាមនិតិវិធីផ្លូវច្បាប់ ៕
.jpg?1751610233)
.jpg?1751610233)
