រតនគិរី៖ កាលពីរសៀលថ្ងៃទី០៦ ខែវិច្ឆកា ឆ្នាំ២០១៨ យុវជនម្នាក់ ត្រូវបានខ្លាឃ្មុំខាំ បណ្តាលឲ្យរបួសធ្ងន់តែម្តង ដែលហេតុការណ៍នេះ ស្ថិតនៅ នៅចំណុចក្នុងព្រៃ ភូមិទំពួនរឺងតូច ឃុំតាវែងក្រោម ស្រុកតាវែង ខេត្តរតនគិរី។
យុវជនរូបនោះមានឈ្មោះថា ណយ សឺ អ៊ី អាយុ១៦ឆ្នាំជនជាតិទំពួន រស់នៅភូមិទំពួនរឺងតូច ឃុំតាវែងក្រោម ស្រុកតាវែង ខេត្តរតនគិរី។
បើតាមសម្តីឪពុកជនរងគ្រោះបានប្រាប់ឲ្យដឹងថា ជនរងគ្រោះបានទៅមើលអង្គុបដាក់សត្វព្រៃ ក៏ប្រទះឃើញសត្វខ្លាឃ្មុំក្នុងព្រៃនោះ ហើយក៏ត្រូវសត្វខ្លាឃ្មុំខាំតែម្តង រួចឪពុកជនរងគ្រោះក៏បាននាំកូនមកផ្ទះនិងរាយការណ៍ទៅសមត្ថកិច្ចស្រុកតាវែងអោយជួយអន្តរាគមន៍ផងដែរ។
ជនរងគ្រោះដែលត្រូវខ្លាឃ្មុំខាំបណ្តាលអោយរងរបួសធ្ងន់នោះត្រូវបានកម្លាំងប៉ុស្តិ៍រដ្ឋបាលឃុំតាវែងក្រោមដឹកយកមកសំរាកព្យាបាលនៅមន្ទីរពេទ្យ ៕
ដោយ៖ ភារ៉ា
.jpg?1751610233)
.jpg?1751610233)
