ភ្នំពេញ៖ កាលពីពេលថ្មីនេះ ស្រ្តីម្នាក់ដែលត្រូវជាមេតុងទីន ត្រូវបានទៅជាបញ្ជូនខ្លួនទៅកាន់តុលាការ ក្រោយពេលកូនតុងទីនជិត៥០០នាក់ ប្តីងរឿងស៊ីដាច់លុយជាង៣០ម៉ឺនដុល្លារ។ 

កម្លាំងសមត្ថកិច្ចបានបញ្ជូនខ្លួនមេតុងទីន ត្រូវបានកំលាំងនគរបាលបាលព្រហ្មទណ្ឌ នៃអធិការដ្ឋាននគរបាលខណ្ឌពោ​ធិ៍សែនជ័យ  ឃាត់ខ្លួនកាលពីទី០១ ខែវិច្ឆិកា ឆ្នាំ២០១៨ នៅត្រង់ចំណុចផ្សារកាណាស៉ីធី ស្ថិតនៅក្នុងសង្កាត់ចោមចៅ២ ខណ្ឌពោធិ៍សែនជ័យ។

ប្រភពពីកូនតុងទីន បានប្រាប់ឲ្យដឹងថា នៅពេលដែលបញ្ជូនស្រ្តីជាមេតុងទីនខាងលើ ទៅដល់សាលាដំបូងរាជធានីភ្នំពេញ ស្រាប់តែស្ដ្រីរូបនេះបានបោះពាក្យសម្ដីទៅកាន់កូនតុងទីនថា "សុខចិត្តយកលុយ ៤ ទៅ៥ម៉ឹនដុល្លារ ទៅបុកនៅតុលាការវិញ ក៏មិនសងដែរ"។

គួរបញ្ជាក់ផងដែរថា ស្រ្តីដែលជាមេតុងទី​នបោកខាងលើឈ្មោះ ឆេង សារ៉ា អាយុ៣៩ឆ្នាំ ស្នាក់នៅសង្កាត់ទឹកថ្លា ខណ្ឌសែនសុខ​ រា​ជធានីភ្នំពេញ។

កូនតុងទីនបាន បានរៀបរាប់ថា ស្ត្រីដែលជាមេតុងទីនខាងលើ ធ្លាប់រកស៊ីបោះដុុំអីវ៉ាន់ចាប់ហួយ នៅផ្សារឯករាជ្យ១ និងផ្សារកាណាឌីយ៉ា​ រហូតបានស្គាល់គ្នាជិតឌិត ក៏បាននាំគ្នាលេងតុងទីន ចាប់ពីក្បាល២ម៉ឺនរៀល ដល់ក្បាល១០០ដុល្លារ ចំនួនអ្នកលេងតុងទីជិត៥០០នាក់ អ្នកខ្លះលេង៣ក្បាល និង៨ក្បា​ល។ ពួកគាត់មានអ្នកមា​នអ្នកខ្លះលេងរយៈពេល៦ឆ្នាំ ខ្លះ៣ឆ្នាំ និងខ្លះ​ទៀត២ឆ្នាំ ហើយក្នុងម្នាក់ៗអ្នកខ្លះបង់តិចបំផុតជាង១,០០០ដុល្លារ រីឯខ្លះទៀតរហូតដល់ទៅជាង៣ម៉ឺនដុល្លារក៏មាន។

កូនតុងទីនបានឲ្យដឹងទៀតថា  រយៈពេលជាង៦ឆ្នាំមកនេះ ដែលស្រ្តីជាមេតុងទីន​ខាងលើ បានលេងជាមួយកូនតុងទីនយ៉ាងល្អប្រសើរ តែជាង៥ខែមកនេះ មេតុងទីន​បានព្យាយាមមិនឱ្យកូនតុងទីនផ្សេងៗដេញយកទេ តុងទីនដែលងាប់នោះឡើយ​ ហើយប្រុង​រត់ចោលកូនតុង​ទីនទាំងអស់ ដោយគេចវេសមិនខ្ចីលើកទូរស័ព្ទនោះឡើយ និងរត់គេចខ្លួនបាត់តែម្តង។

អស់រយៈពេលជិត៦ខែមកហើយ ទើបកូនតុងទីនទាំងអស់នោះ​បានដឹងថា មេ​កំពុងតែវិចបង្វិចរត់គេចខ្លួននោះ ក៏បានរត់មកដាក់ពាក្យបណ្តឹង នៅផ្នែកព្រហ្មទណ្ឌខណ្ឌពោធិ៍សែនជ័យ ​ដើម្បីជួយអន្តរាគមន៍​ តែចៃដន្យក្រុមកូនតុងទីន បានជួបស្រ្តីជាមេតុងទីននោះនៅក្នុងផ្សារកាណាស៊ីធី ទើបនាំគ្នាឃាត់ខ្លួនប្រគល់ ឱ្យនគរបាលចាត់ការតាមផ្លូវច្បាប់៕

ដោយ: ភត្ត្រា