ភ្នំពេញ៖ កាលពីវេលាម៉ោង០០និង១៥នាទីរំលងអធ្រាត្រ ឈានចូលថ្ងៃទី០៩ ខែវិច្ឆិកា ២០១៨ នារីវ័យក្មេងម្នាក់ជាបុគ្គលបុគ្គលិកក្រុមហ៊ុនទូរស័ព្ទ VIVO ត្រូវបានចោរចូលគាស់បន្ទប់លួចយកទ្រព្យសម្បត្តិជាច្រើនដងមកហើយ មិនជាចោរចូលមកយកម៉ូតូនាងទៅបាត់ ត្រឹមតែរយៈពេល១៥នាទីចោរគាស់បន្ទប់ជួលយកម៉ូតូទៅបាត់ដោយសុវត្ថិភាព។ ដែលហេតុការណ៍នេះបានកើតឡើង នៅចំណុចស្ថិតក្នុងសង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ។
នារីរងគ្រោះមានឈ្មោះថា ម៉ា នី អាយុ២២ឆ្នាំ ជាបុគ្គលិក ក្រុមហ៊ុនទូរស័ព្ទVIVO ស្នាក់នៅបន្ទប់ជួលកើតហេតុខាងលើ បានបាត់ម៉ូតូម៉ាកScoopy ស៊េរីឆ្នាំ២០១៩ ពណ៌ស ទើបទិញបង់រំលោះបាន ១អាទិត្យប៉ុណ្ណោះ (មិនចាំស្លាកលេខ) ។
នារីរងគ្រោះបានប្រាប់បន្តទៀតថា នៅវេលាម៉ោង៧យប់ថ្ងៃកើតហេតុ នារីរងគ្រោះបានចាក់សោរបន្ទប់ ត្រឹមត្រូវរួចហើយឡើងជិះរថយន្តជាមួយមិត្តភក្តិទៅហូបបាយនៅម្តុំផ្សារសុវណ្ណា ពេលហូបរួចហើយក៏ត្រលប់មកបន្ទប់ជួលវិញ ស្រាប់តែឃើញបន្ទប់ជួលចំហរទ្វារហើយបានចូលក្នុងបន្ទប់ពុំឃើញម៉ូតូរបស់ខ្លួនឡើយ ហើយក៏ឆោឡោឡើងបានសួរទៅមិត្តភក្តិម្នាក់ទៀត ដែលជួលបន្ទប់នៅជិតនោះ គាត់ឆ្លើយថាបានឭសំឡេងបញ្ឆេះម៉ូតូដែរស្មានតែមិត្តភក្តិឯងជិះចេញទៅក្រៅហើយគាត់បានបន្តទៀតថាកន្លងមកនៅបន្ទប់ជួលកន្លែងនេះធ្លាប់បាត់ម៉ូតូជាច្រើនមកហើយ។
នារីរងគ្រោះក៏បានបន្ថែមទៀតថា ក្រោយពេលបាត់ម៉ូតូ នារីរងគ្រោះក៏បានទៅសូមមើលកាមេរ៉ាសុវត្ថិភាពមើល ប៉ុន្តែម្ចាស់ផ្ទះមិនព្រមឆែកអោយមើលទេ មិនដឹងជាគាត់មានមូលហេតុអ្វី ?
ក្រោយកើតហេតុ នារីជាម្ចាស់ម៉ូតូបានត្រឹមតែទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបឹងទំពុន១តែប៉ុណ្ណោះ ទាំងមិនសង្ឃឹមថានឹងបានម៉ូតូត្រឡប់មកឡើយ ៕
ដោយ៖ ភត្រ្តា
