ភ្នំពេញ៖ ក្រោយពីកំលាំងកងរាជអាវុធហត្ថខេត្តសៀមរាប ចាប់ឃាត់ខ្លួ ន លោកជំទាវ លី អ៊ុំ អែង ករណីចេញសែកស្អុយជាង៣លានដុល្លារ តាមបណ្តឹងពលរដ្ឋចំនួន៩គ្រួសារ ។
មិនយូរប៉ុន្មាន លោកស្រី ហ៊ុន ស៊ីណាត ក៏បានបង្ហោះសារលើបណ្តាញសង្គមហ្វេសប៊ុកផ្ទាល់របស់លោកស្រី ដោយសូមអំពាវនាវ សូមមិត្តរួម Facebookទាំងអស់គ្នារងចាំមើលថាតើថៅកែជើងខ្លាំងខាងរំលោភដីធ្លីរបស់ខេត្តសៀមរាបម្នាក់នេះឃុំខ្លួនបានប៉ុន្មានថ្ងៃ ?
ជាក់ស្តែងនៅក្នុងគណនីហ្វេសប៊ុក លោកស្រី បានរៀបរាប់យ៉ាងដូច្នេះថា "??សូមមិត្តរួម Facebookទាំងអស់គ្នារងចាំមើលថាតើថៅកែជើងខ្លាំងខាងរំលោភដីធ្លីរបស់ខេត្តសៀមរាបម្នាក់នេះឃុំខ្លួនបានប៉ុន្មានថ្ងៃ ? មិនខ្លាចបាបទេនៅលើទឹកដីអង្គរហើយនៅប្រព្រឹត្តអាក្រក់ទៀត ។ សូមបងប្អូនកូនក្មួយនៅខេត្តសៀមរាបជួយមើលផងក្រែងមានជើងកាងមកធានាខ្លួនជំទាវចេញ"។
គួររំលឹកផងដែរថា លោកស្រី លី អ៊ុអេង នាយិកាក្រុមហ៊ុន លីអ៊ុអេងលីមីធីត ត្រូវបានសមត្ថកិច្ចចាប់ខ្លួន កាលពីថ្ងៃទី៨ ខែវិច្ឆិកា ឆ្នាំ២០១៨ នៅទឹកដីខេត្តសៀមរាបតាមដីការបស់សាលាដំបូងខេត្តសៀមរាប ពាក់ព័ន្ធនឹងការចេញសែក អត់សាច់ប្រាក់ ចំនួនជាង៣លានដុល្លារអាមេរិក។
សូមបញ្ជាក់ថា លោក ងួន ណារ៉ា ប្រធានសាលាដំបូងខេត្តសៀមរាប និងជាចៅក្រមស៊ើបសួរបានចេញដីកាបង្គាប់ឱ្យចាប់ខ្លួនលោកស្រី លី អ៊ុអេង កាលពីថ្ងៃទី២៦ ខែតុលា ឆ្នាំ២០១៨ ក្រោមការចោទប្រកាន់ពីបទ “មិនបំពេញកាតព្វកិច្ចចំពោះឧបករណ៍ដែលអាចជួញដូរបាន” ប្រព្រឹត្តនៅក្រុងសៀមរាប ខេត្តសៀមរាប កាលពីថ្ងៃទី២៥ ខែឧសភា ឆ្នាំ២០១៨។
ចំពោះករណីនេះ គឺលោកស្រី លី អ៊ុំអេង បានគេចខ្លួនមិនទទួលខុសត្រូវ នៅពេលដែលសមត្ថកិច្ចបានទៅដល់គេហដ្ឋានរបស់លោកស្រី។ កន្លងមកលោកជំទាវ លី អ៊ុំអេង ត្រូវបាន ប្រជាពលរដ្ឋចំនួន៩គ្រួសារ ប្តឹង ចោទលោកស្រី លី អ៊ុំអេង ថារំលោភយកដីរបស់ពួកគាត់ប្រមាណជាង ១០ហិកតា នៅភូមិចុងកៅស៊ូ សង្កាត់ស្លក្រាម ក្រុង និងខេត្តសៀមរាប។
ប្រភព៖ Sinath Hun
