ភ្នំពេញៈ តាមរយៈ AKP ចុះផ្សាយ កាលពីថ្ងៃទី១៣ ខែមិថុនា ឆ្នាំ២០១៦ របស់អ្នកស្រាវជ្រាវ អូស្ដ្រាលីលោកបណ្ឌិត Damian Evans បញ្ជាក់ថា ក្រុមអ្នកស្រាវជ្រាវបានរកឃើញក្រុងបុរាណមួយ តាមបច្ចេកវិទ្យាទំនើបដោយសារស្កែនតំបន់នោះ ដោយក្រុងនោះប្រហែលជាមានអាយុកាលនៅសតវត្សរ៍ ទី៩ដល់ទី១៤ និងមានក្រុងតូចៗជាច្រើនទៀត មិនមែនតែមួយទេ នេះបើតាមការបញ្ជក់ពីក្រុងឡុងដ៍។
ក្រុមអ្នកស្រាវជ្រាវបែបវិទ្យាសាស្ត្រអូស្ដ្រាលី បង្ហាញថា ការរកឃើញក្រុងបុរាណខ្មែរ ក្នុងតំបន់ព្រៃនៅតំបន់ភ្នំគូលែនដ៏ធំ ដែលមានទំហំប្រហាក់ប្រហែលទីក្រុងភ្នំពេញ សព្វថ្ងៃ ដែលកំពុងគ្រប់ដណ្ដប់ទៅដោយព្រៃ នៅតំបន់ឧទ្យានភ្នំគូលែនសព្វថ្ងៃនេះ។ លោកបណ្ឌិត Dr Peter Sharrock បញ្ជាក់ថា ក្រុងបុរាណនេះ មានពលរដ្ឋច្រើន ហើយធំជាងគេលើកលោក នាសម័យនោះ គឺប្រហែល ៤លាននាក់ ។
លោកបណ្ឌិត Damian Evans បានឱ្យដឹងពីសកលវិទ្យាល័យក្រុងឡុងដ៍ថា ចក្រភពខ្មែរចុះខ្សោយ មិនមែនដោយសារការវាយរបស់ប្រទេសៀមនេះទេ គឺដោយសារអាកាសធាតុប្រែប្រួលជាដើមហេតុមួយ។ លោកបន្តថា ទីក្រុងនេះមានទំហំជាង១,០០០គីឡូម៉ែត្រការ៉េ។ ចំណែកឯលោក David Chandler ថ្លែងថា ជនជាតិអាស្ដ្រាលី បង្រៀនប្រវត្ដិសាស្ដ្រខ្មែរ និងសរសេរសៀវភៅជាច្រើនពីខ្មែរនោះ បានសរសេរឡើងវិញ នៅប្រវត្តិសាស្ដ្រ ហើយវានឹងជួយឱ្យអ្នកផង បានដឹងពីអរិយធម៌ខ្មែរ ៕
