កម្មវិធីប្រឡងចម្រៀងកុមារលំដាប់ថ្នាក់ពិភពលោក The Voice Kids Cambodia រដូវ​កាល​ទី​២ បានមកដល់វគ្គផ្តាច់ព្រ័ត្រ​ហើយ ដោយរៀបចំ​ឡើងលើទូរទស្សន៍​ហង្ស​មាស​នៅ​ផ្សារ​អ៊ី​អន​ ខណ្ឌ​សែន​សុខ នា​រាត្រី​ថ្ងៃ​សៅរ៍ ទី​១០ ខែវិច្ឆិកា ឆ្នាំ២០១៨ គឺជ័យលាភីបានទៅលើ បេក្ខជន​ ទេព ពិសិដ្ឋ កូនក្រុមរបស់ Coach កញ្ញា ដែលបានទទួលប្រាក់រង្វាន់​១០០​លាន​រៀល ហើយ​បាន​ក្លាយជា​ម្ចាស់​ពាន The Kids Cambodia រដូវ​កាល​ទី​២ ។

ដោយលែកកាលពីប៉ុន្មានម៉ោងមុននេះគណនីហ្វេសបុកផេករបស់កំពូលតារាចំរៀងប្រចាំផលិតកម្មហង្សមាសនឹងជា Coach ក្នុងកម្មវិធីលំដាប់ថ្នាក់ពិភពលោក The Voice Kids Cambodia រដូវ​កាល​ទី​២​ Coach កញ្ញា បានសរសេររៀបរាប់ថា:

"ក្នុងនាមជាគ្រូបង្វឹកមួយរូប សំខាន់រឺមិនសំខាន់ ឲ្យតែកូនក្រុមធ្វើបានល្អ ទទួលបានការគាំទ្រពី​ពុកម៉ែបងប្អូន​គ្រប់​គ្នាពិតជារំភើបណាស់ទៅហើយ...! ចុះទំរាំគាត់ទទួលបានភាពជោគជ័យក្នុងថ្ងៃដ៏អស្ចាមួយនេះទៀត គឺបេះដូងស្ទើលោតចេញក្រៅ... ❤️❤️ ចូលរួម​អបអរសាទរ​ បេក្ខជន​ ទេព​ ពិសិដ្ឋ​ ក្លាយទៅជា​ម្ចាស់​ពានរង្វាន់​រដូវ​កាល​ទី​2 ?? អរគុណ​ខ្លាំង​ណាស់​សម្រាប់​សម្លេង​សារ​គាំ​ទ្រ​ដ៏​មាន​អត្ថន័យ​របស់​ពុកម៉ែបងប្អូន​ដែលបានសម្រេចក្តីសុបិនរបស់បេក្ខជនដែលមានសម្ថភាពម្នាក់នេះក្នុងរដូវកាលទី2នេះ៕"