បទថ្មីមួយរបស់ថៃ ដែលមានចំណងជើង «ថ្ងូរហៅឈ្មោះបង» ពេលនេះកំពុងបង្កភាពចាប់អារម្មណ៍ថ្មីមួយដល់ស្រទាប់មហាជនថៃ និង អ្នកលេងហ្វេសប៊ុក ឱ្យចុចចូលទស្សនា ។

ពិតណាស់់ សម្រាប់ចម្រៀងមួយបទនេះ គឺបានទាក់ទាញអ្នកចុចចូលទស្សនាជាច្រើនលាននាក់ បន្ទាប់ពីបង្ហោះចូលក្នុងបណ្តាញទំណាក់ទំនងសង្គម ។ បទនេះ ត្រូវបានគេនិយាយថា មានភាពទាក់ទាញខ្លាំងមិនមែន នៅលើតែភាពពីរោះនៃបទចម្រៀងទេ ប៉ុន្តែគឺនៅលើសំឡេងស្រែកថ្ងូរយ៉ាងស្រើបស្រាលរបស់អ្នកច្រៀងស្រី ក្នុងបទចម្រៀង ដោយក្នុងនោះរួមទាំងកាយវិការសម្តែងលើគ្រែយ៉ាងស៊ីអារម្មណ៍ថែមទៀត ។

ចម្រៀងមួយបទនេះ ជាបកស្រាយរួមគ្នារវាងតារាចម្រៀងស្រុកស្រែគឺប្រុសលោក ស៊ីច័ន្ទ វីស៊ី និង នាង ផិយៈនៈផា ណេបឆីដ ដែលវាហាក់ដូចជាពីស្តាប់បន្តិច ព្រោះមានបន្លឺសំឡេងថ្ងូរយ៉ាងស្រើបស្រាល ។ទន្ទឹមនឹងការចាប់់អារម្មណ៍ខ្លាំងលើបទចម្រៀងខាងលើ ថ្មីៗនេះបើតាមសារព័ត៌មានថៃបានឱ្យដឹងថា ពេលនេះ ចម្រៀងមួយបទខាងលើ កំពុងទទួលរងការរិះគន់យ៉ាងខ្លាំងពីអ្នកបណ្តាញសង្គមអនឡាញ និង ក្នុងនោះក៏មានការចេញមុខរិះគន់ពីតំណាងសិល្បករជើងចាស់ថៃផងដែរ ដោយយល់ថាអត្ថន័យមួយចំនួនក្នុងបទចម្រៀង បានបង្ហាញឱ្យឃើញពីភាពមិនសមរម្យ និង ធ្វើឱ្យប៉ះពាល់ដល់តម្លៃនៃសីលធម៌សង្គម ។ទោះជាយ៉ាងណាក៏ដោយស្រាប់តែមានការភ្ញាក់ផ្អើលយ៉ាងខ្លាំងដោយសារមានផលិតកម្មខ្មែរមួយបានចម្លងបទនេះអោយតារាចំរៀងម្នាក់ច្រៀងដោយមិនគិតពីការរិះគន់នោះឡើយ។

មានវីដែអូ