មិនហ៊ានខ្លាំងជាមួយបងទេ ទុកឲ្យបងខ្លាំងម្នាក់ឯងចុះ!!! អ្នកក្លាហានភូមិក្រាំងចេកម្នាក់ ស្រវឹងស្រា បើកម៉ូតូបំបុករនាំងការពារក្នុងពិធីប្រណាំងទូកអុំ នៅដងស្ទឹងព្រែកត្នោត និងបានស្រែកឡូឡា ជេរប្រមាថដល់មន្ដ្រីនគរបាលថា ខ្លួនជាអ្នកស្រុកក្រាំងចេក នៅឧដុង្គ ស្គាល់អត់.!!! កុំចង់ខ្លាំង.!!! អា នគរបាលកំប៉ិកកំប៉ុក

កំពង់ស្ពឺៈ កាលពីរសៀលថៃ្ងអាទិត្យទី១១ ខែវិច្ឆិកា ឆ្នាំ២០១៨ ស្ថិតនៅចំណុចគោល ដៅការពារ មុខសាលាខេត្ដកំពង់ស្ពឺ មានហេតុការណ៏ភ្ញាក់ផ្អើលមួយ ដោយយុវជនម្នាក់ មានឈ្មោះ វ៉ាត ណាវិន ភេទប្រុស អាយុ២៧ឆ្នាំ រស់នៅភូមិក្រាំងចេក ឃុំក្រាំងចេក ស្រុកឧដុង្គខេត្តកំពង់ស្ពឺ។ បានបើកម៉ូតូ មួយគ្រឿង ម៉ាក Honda Dream NCX C125 ពណ៌ខ្មៅ ស្លាកលេខ កំពង់ស្ពឺ 1K-9539 គ្មានកញ្ចក់មើលក្រោយ គ្មានមួកសុវត្ថិភាព បានបើកបំបុករនាំងការពារក្នុងពិធីប្រណាំងទូកអុំ ផ្កាចារនៅដងស្ទឹងព្រែកត្នោត និងបានស្រែកឡូឡា ជេរប្រមាថដល់មន្ដ្រីនគរបាលដែលកំពុងតែបំពេញភារកិច្ចការពារ សន្ដិសុខ សណ្ដាប់ធ្នាប់នៅគោលដៅខាងលើ ដោយបានប្រើសម្ដីអួតក្អេងក្អាងថា ខ្លួនជាអ្នកស្រុកក្រាំងចេក នៅឧដុង្គ ស្គាល់អត់.!!! កុំចង់ខ្លាំង.!!! អា នគរបាលកំប៉ិកកំប៉ុក យើងចង់ជិះម៉ូតូចូលទៅវេទិការអុំទូកមិចមិនបាន ហេតុអីឃាត់ម៉ូតូដាក់បារាស់ហ្នឹងមានសុំថ្នាក់លើនៅ (បញ្ជាក់ថានៅខេត្ដកំពង់ស្ពឺ មានការរៀបចំពិធីប្រណាំងទូកអុំ អបអរសាទរក្នុងពិធីបុណ្យអុំទូក បណ្ដែតប្រទីប អកអំបុក សំពះព្រះខែ ជាបុណ្យប្រពៃណីជាតិខ្មែរ)

ក្រោយឃាត់ខ្លួនយុវជនទំពាំងស្នងឫស្សី ជំនាញចរាចរណ៍ខេត្ដ បានពិនិត្យឃើញថា យុវជននេះ មានជាតិអាល់កុល 0.60 មីលីក្រាមក្នុងមួយលីត្រ ខ្យល់ដែលលើសពីកំរិតនៃច្បាប់កំណត់ ដែលត្រូវធ្វើការពិន័យជាប្រាក់ប្រមាណ ម្ភៃម៉ឺនរៀលគត់ និងដកហូតមធ្យោបាយយានជំនិះ ទុកមួយរយៈពេល មិនគិតអំពីអំពើល្មើស (បទល្មើសព្រហ្មទណ្ឌ) ករណីពាក់ព័ន្ធបទល្មើសផ្សេងទៀត គឺត្រូវតែចាត់ការតាមនីតិវិធី បច្ចុប្បន្នយុវជនទំពាំងស្នងឫស្សី ខាងលើជំនាញបានឃាត់ខ្លួនបណ្ដោះអាសន្ននៅ ស្នងការដ្ឋាននគរបាលខេត្ដកំពង់ស្ពឺ ៕