ស្ពាននៅកំពង់ឆ្នាំង ១ទៀតហើយ ត្រូវបានបាក់ខ្ទេចខ្ទី ដោយសារតែដោយសាររថយន្តធុនធំ ដឹកឈើលើសទម្ងន់
កំពង់ឆ្នាំង ៖ កាលពីយប់ថ្ងៃទី ១២ ខែវិច្ឆិកា ឆ្នាំ២០១៨ ស្ពាននៅខេត្តកំពង់ឆ្នាំង បានបាក់ខ្ទេចខ្ទី ដោយសាររថយន្តធុនធំដឹកឈើលើសទម្ងន់ ដែលហេតុការណ៍នេះបានកើតឡើងនៅតាមបណ្តោយផ្លូវ ពីក្រាំងស្រម៉ ទៅរលាំងនាគ ដែលមានទីតាំងឋិតនៅក្នុងស្រុកសាមគ្គីមានជ័យ ខេត្តកំពង់ឆ្នាំង ។
លុះដល់ព្រឹកថ្ងៃទី១៣ ខែវិច្ឆិកា ឆ្នាំ២០១៨នេះ រថយន្តបង្កនៅមិនទាន់ស្ទូចចេញពីទីតាំងកើតហេតុនៅឡើយទេ ធ្វើឱ្យមានការរាំងស្ទះក្នុងការធ្វើដំណើររបស់ប្រជាជនយ៉ាងខ្លាំង ។
សូមបញ្ជាក់ថា នៅក្នុងខែវិច្ឆិកានេះ នៅក្នុងខេត្តកំពង់ឆ្នាំងស្ពាន២ហើយ ដែលត្រូវបាក់ដោយសារតែរថយន្តធុនធ្ងន់ដឹកលើសទម្ងន់ តើអាជ្ញាធរ និងអង្គភាពដែលពាក់ព័ន្ធគួរមានចំណាត់ការបែបណាទៅលើរថយន្តទាំងអស់នេះ? ៕
ដោយ៖ អាខ្មៅ
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។