បន្ទាយមានជ័យ ៖ កាលពីថ្ងៃទី ១៦ ខែវិច្ឆិកា ឆ្នាំ២០១៨ សមត្ថកិច្ចខេត្តបន្ទាបមានជ័យ បានធ្វើការឃាត់ខ្លួនជនសង្ស័យចំនួន៣នាក់ ដែលធ្លាប់ធ្វើសកម្មភាពឆក់យ៉ាងសកម្មនៅខេត្តសៀមរាប កាលពីថ្ងៃទី០៤ ខែវិច្ឆិកា ឆ្នាំ២០១៨។
ជនសង្ស័យទាំងបីនាក់នោះរួមមាន៖
ទី១. ឈ្មោះ ពៅ អីឆាយ ភេទប្រុស អាយុ១៧ឆ្នាំ រស់នៅខេត្តប៉ៃលិន
ទី២. ឈ្មោះ សាត ឈីឡាង ភេទប្រុស អាយុ១៧ឆ្នាំ រស់នៅខេត្តព្រះវិហារ
ទី៣. ឈ្មោះ លាង ហាក់ ហៅ ញ៉ ភេទប្រុស អាយុ១៦ឆ្នាំ រស់នៅខេត្តសៀមរាប
បើតាមសម្តីលោក វរសេនីយ៍ឯក ខែម សុភ័ណ្ឌ នាយការិយាល័យនគរបាលព្រហ្មទណ្ឌកំរិតធ្ងន់បានប្រាប់ឲ្យដឹងថា ជនសង្ស័យទាំងបីនាក់នេះ បានធ្វើសកម្មភាពឆក់នៅ សៀមរាបកាលពីថ្ងៃទី០៤ ខែវិច្ឆិកា ឆ្នាំ២០១៨ ព្រមទាំងធ្លាប់ធ្វើសកម្មភាពឆក់យ៉ាងសកម្មនៅខេត្តសៀមរាប ក្រោយពីទទួលបានព័ត៌មានពីនគរបាលជំនាញខេត្តសៀមរាប លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានដាក់បទបញ្ជាដល់ការិយាល័យជំនាញផែននគរបាលព្រហ្មទណ្ឌដឹកនាំដោយលោកឧត្តមសេនីយ៍ត្រី សិទ្ធ ឡោះ ស្នងការរងបើកការស៊ើបអង្កេតស្រាវជ្រាវ ឈានដល់ការបង្ក្រាប ចាប់ឃាត់ខ្លួនបានទាំង៣នាក់ ។
ជនសង្ស័យទាំងបីនាក់នេះ បានប្រគល់ជនសង្ស័យទាំង៣នាក់ឲ្យទៅនគរបាលការិយាល័យជំនាញខេត្តសៀមរាប ដើម្បីចាត់ការបន្តតាមនីតិវិធីច្បាប់ ៕
ដោយ៖ ភារ៉ា
