ក្នុងឆ្នាំ ២០១៨ សមត្ថកិច្ចបានធ្វើការឃាត់ខ្លួនមនុស្ស ១៦.១៣៩ នាក់ និង បង្ក្រាបបាន ៧.៩៧៩ ករណីដែលពាក់ព័ន្ធនឹងអ្នកជួញដូរ និងអ្នកប្រើប្រាស់គ្រឿងញៀន បើគិតជាមធ្យមគឺមនុស្សយ៉ាងហោចណាស់ប្រមាណជា ៤៤ នាក់ត្រូវបានឃាត់ខ្លួនក្នុង ១ ថ្ងៃ ។
បើយោងតាមរបាយការណ៍របស់អាជ្ញាធរជាតិប្រយុទ្ធប្រឆាំងគ្រឿងញៀនបានឲ្យដឹងថា លទ្ធផលអនុវត្តច្បាប់រយៈពេល ១២ ខែ (គិតពីថ្ងៃទី ១ ខែមករា ដល់ថ្ងៃ ទី ២៩ ខែធ្នូ ឆ្នាំ ២០១៨ មានចំនួនសរុប ៧.៩៧៩ ករណីដោយឃាត់មនុស្សបាន ១៦.១៣៩ នាក់ស្រី ១.៣៣៩ នាក់ ជនបរទេស ៣១០ នាក់ ស្រី ៤៨ នាក់ មាន ២៤ សញ្ជាតិ ។ ពាក់ព័ន្ធនឹងការជួញដូរ រក្សាទុក កែច្នៃ ចាត់ចែង និងដាំដុះមានចំនួនសរុប ៥.០៣៣ ករណីឃាត់ខ្លួន ៩.០៤៩ នាក់ស្រី ៩១៣នាក់ ហើយទាក់ទងនឹងអ្នកដែលប្រើប្រាស់មានចំនួន ៤.៩៤៦ ករណី ឃាត់ខ្លួន ៧.០៩៩ នាក់ ស្រី ៤.២៦០ នាក់» ។
របាយការណ៍ដដែលបានបន្ថែមទៀតថា សមត្ថកិច្ចបានធ្វើការអនុវត្ដដីកា ដោយបានឃាត់ខ្លួន ២៣៩ នាក់ស្រី ៩ នាក់ ហើយបានរឹបអូសសារធាតុញៀនគ្រប់ប្រភេទបានចំនួន ៥៣៣ គីឡូក្រាម និង ២៨៨ កញ្ចប់ កញ្ឆាក្រៀម ៧៤ គីឡូក្រាម និង ១៦៤.៩២៥ ដើមនិង សម្ភារដែលចាប់យកមាន រថយន្ដ ៩៤ គ្រឿង ម៉ូតូ ២.២៣០ គ្រឿង ទូរស័ព្ទ ៥.៩២៤ គ្រឿង ជញ្ជីង ៣៧៦ គ្រឿង អាវុធខ្លី ២៦ ដើម អាវុធវែង ១៣ ដើម ចលនទ្រព្យ និង អចលនទ្រព្យស្នើសុំបង្កកចំនួន ៥ កន្លែងមានដីចម្ការ ១ កន្លែង ដីឡូត៍ ២ កន្លែង និង ផ្ទះល្វែង ២ កន្លែង ។
នាយឧត្តមសេនីយ៍ មាស វីរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀនបានឱ្យដឹងថា ចំនួនករណីបង្ក្រាបអ្នកជួញដូរ និងអ្នកប្រើប្រាស់គ្រឿងញៀនមានការថយចុះ ដោយសារតែការចូលរួមពីគ្រប់សមាសភាពនៅក្នុងសង្គម ទាំងការធ្វើសកម្មភាព និងការគាំទ្រពីប្រជាពលរដ្ឋទាំងការផ្តល់ព័ត៌មាន និង ការសហការជាមួយសមត្ថកិច្ច និង រាជរដ្ឋាភិបាលបានដាក់ចេញនូវយុទ្ធនាការប្រយុទ្ធប្រឆាំងគ្រឿង ញៀនធ្វើឱ្យអ្នកប្រើប្រាស់គ្រឿងញៀន ដែលបានលាក់ខ្លួនបានស្ម័គ្រចិត្តមកទទួលសេវាព្យាបាលនៅតាមមន្ទីរពេទ្យ ៕
.jpg?1711864795)
.jpg?1711704207)
.jpg?1711518506)
.jpg?1711449474)
.jpg?1711704207)
.jpg?1711864795)
.jpg?1711518506)
.jpg?1711517593)
.jpg?1711449474)