ប្រជាពលរដ្ឋ នៅក្រុងព្រះសីហនុ នាំគ្នាដេញចាប់បុរសជនជាតិចិនម្នាក់ ក្រោយឆក់កាបូបបានសម្រេច តែរត់មិនរួច
ក្រុងព្រះសីហនុ ៖ នៅវេលាម៉ោង៨យប់ ថ្ងៃ២៨ ខែឧសភា ឆ្នំា២០១៩ នេះ បុរសជនជាតិចិនម្នាក់ ត្រូវបានមហាជនដេញចាប់ប្រគល់អោយប៉ូលីស ក្រោយជនសង្ស័យរូបនេះ ឆក់កាបូបគេ នៅជិតវេទិកាវិមានឯករាជ្យ ក្រុងព្រះសីហនុ។ មហាជនបានឲ្យដឹងថាជនជាតិចិនរូបនេះ ទំនងជាចាញ់ល្បែងអស់លុយពីខ្លួន ទើបចេញឆក់កាបូប។ បើតាមសាក្សីថា ម្ចាស់កាបូបជាជនជាតិខ្មែរ ត្រូវបានជនសង្សយ័ជនជាតិចិនរូបនេះ ឆក់យកកាបូប ពេលម្ចាស់កាបូបបើកទ្វាររថយន្ត។ ជនសង្សយ័រូបនេះ សមត្ថកិច្ចបាននាំខ្លួនទៅកាន់ស្នងការដ្ឋានប៉ូលីសខេត្ត ដើម្បីចាត់ការបន្ត ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។
