សម្តេច ហ៊ុន ស៊ែន បានស្នើឲ្យជប៉ុនជួយប្រាប់ទៅ អាមេរិកផង ថាកម្ពុជាចង់ធ្វើជាមិត្តល្អរបស់អាមេរិកជានិច្ច - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

សម្តេច ហ៊ុន ស៊ែន បានស្នើឲ្យជប៉ុនជួយប្រាប់ទៅ អាមេរិកផង ថាកម្ពុជាចង់ធ្វើជាមិត្តល្អរបស់អាមេរិកជានិច្ច

សម្តេចតេជោ ហ៊ុនស៊ែន ដែលជានាយករដ្ឋមន្រ្តីរបស់ប្រទេសកម្ពុជា ហើយបានមានទំនាក់ទំនងល្អជាមួយមិត្តជប៉ុនខ្លាំងណាស់ ហើយនៅក្នុងពេលថ្មីៗនេះដែរ សម្ដេចតេជោ ហ៊ុន សែន បានស្នើឱ្យភាគីជប៉ុន ប្រាប់ទៅអាមេរិកថា កម្ពុជានៅតែចង់ធ្វើជាមិត្តល្អរបស់អាមេរិកជានិច្ច ប៉ុន្តែក៏សូមអាមេរិករក្សានូវឯករាជ្យភាព អធិបតេយ្យភាពរបស់ខ្លួនផងដែរ។

យ៉ាងណាមិញនៅកាលពីម្សិលមិញនេះ សម្តេចតេជោ ហ៊ុន សែន និងលោក តាកាហាស៊ី ហ្វីមីអាគី ប្រធានសមាគមកម្ពុជា-ជប៉ុន (JCA) បានបើកការជួបពិភាគក្សាគ្នាមួយ ។ នៅក្នុងការប្រជួបពិភាគក្សានោះដែរ សម្តេចតេជោ ហ៊ុន សែន បានស្នើដល់លោក តាកាហាសុី ឲ្យជួយពាំនាំពាក្យសម្តីរបស់សម្តេចទៅប្រាប់ដល់អាមេរិកផង ថាកម្ពុជាមានបំណងចង់ធ្វើជាមិត្តល្អរបស់អាមេរិកជានិច្ច កម្ពុជាមិនចង់ធ្វើជាសត្រូវរបស់ប្រទេសណាឡើយ។ ការវាយតម្លៃថាកម្ពុជាចង់បោះបង់អាមេរិកចោល ទៅងាករកប្រទេសចិន គឺជាការវាយតម្លៃខុសទាំងស្រង់។

នៅក្នងការជួបពិភាក្សាមួយនេះសម្តេចតេជោបានសង្កត់ធ្ងន់ថា៖ កម្ពុជាមិនចង់ធ្វើជាសត្រូវជាមួយប្រទេសណាមួយឡើយ តែងតែចង់ធ្វើមិត្តជាមួយបណ្ដាប្រទេសទាំងអស់រួមទាំងប្រទេសអាមេរិកផងដែរ ប៉ុន្តែយើងត្រូវតែរក្សានូវឯករាជភាព អធិបតេយ្យភាពយើង៕