មហាជនប្រាកដជាបានជ្រាបហើយថា លោក Scott Neeson គឺជាស្ថាបនិកអង្គការមូលនិធិកុមារកម្ពុជា (Cambodian Children’s Fund) ហើយក៏ជាវីរបុរសម្នាក់ ដែលបានជួយដល់ក្មេងៗ នៅកម្ពុជា តាំងពីឆ្នាំ២០០៤ មកម្ល៉េះ ក្នុងគោលបំណងចង់ជួយដល់ក្មេងកុមារកម្ពុជា ឲ្យមានអនាគតដ៏ភ្លឺស្វាង ត្រចះត្រចង់ និងឈប់រស់នៅក្នុងគំនរសម្រាម ដែលមានក្លិនស្អុយ ឲ្យពួកគាត់ទទួលបានការបណ្តុះបណ្តាល និងក្លាយជាបុគ្គលម្នាក់ ដ៏ជោគជ័យ នាពេលអនាគត។
ជាក់ស្តែង កញ្ញា សុភី គឺជាក្មេងស្រីម្នាក់ ដែលត្រូវបានអង្គការមូលនិធិកុមារកម្ពុជា (CCF) បានជួយ។ សុភី នាងមិនបានទទួលការរៀនសូត្រអ្វីនោះទេ រហូតដល់នាងមានអាយុ១១ឆ្នាំ ទើបនាងមានឱកាស បានរៀនសូត្រ នៅក្នុងអង្គការ ។ សភីគឺជាក្មេងឆ្លាត បើទោះបីជានាងចូលរៀនយឺតបន្តិចមែន តែនាងបានខិតខំប្រឹងប្រែង និងជាក្មេងស្រីម្នាក់ដ៏ឆ្លាតបំផុត។
បើតាមរយៈគណនីហ្វេសប៊ុករបស់អង្គការមូលនិធិកុមារកម្ពុជា បានរៀបរាប់នៅក្នុងគណនីហ្វេសប៊ុកថា "ពួកយើងបានសម្តែងការអបអរសាទរចំពោះសិស្ស CCF កញ្ញា សុភី ដែលបានបញ្ចប់ឆ្នាំ នៃថ្នាក់មូលដ្ឋាន Trinity College Foundation Studies នៅសាកលវិទ្យាល័យ មែលប៊ន ប្រទេសអូស្ត្រាលី ។ សុភីគឺជាសិស្សដំបូង ដែលបានឈ្នះអាហាររូបករណ៍ពេញលេញ តាមបំណង ហើយនាង ចាប់ផ្តើមសិក្សាយកសញ្ញាបត្រនៅឯរបស់នាង នៅសាកលវិទ្យា មែលប៊ន។ សុភី និងចែករំលែកបទពិសោធន៍របស់នាង ក្នុងពេលឆាប់ៗនេះ។
គ្រាន់តែបានទទួលដំណឹងល្អនេះភ្លាម មានអ្នកលេងបណ្តាញសង្គមហ្វេសប៊ុកជាច្រើន បានចូលរួមត្រេកអរ និងបានធ្វើការចែករំលែកជាច្រើន បើបណ្តាញសង្គមហ្វេសប៊ុក៕
ប្រភព៖ Cambodian Children's Fund