ព្រះសីហនុ៖ ដោយសារតែភាពឈឺចាប់ មិនអាចទ្រាំបានរបស់ប្រជាពលរដ្ឋ ពីការស្លាប់បាត់បង់ជីវិតរបស់ក្មេងដ៏ទៅពីរនាក់ក្នុងពេលតែមួយ ដោយសារតែជនសង្ស័យរំលោភសម្លាប់ កាលពីថ្ងៃទី២៩ ខែឧសភា ឆ្នាំ២០១៩កន្លងមកនេះ ។
បើយោងតាមគណនីហ្វេសប៊ុករបស់លោក K01 បានបង្ហោះសារមុននេះបន្តិច ដោយមានប្រជាពលរដ្ឋរងចាំទទួលស្វាគមន៍ ជនសង្ស័យទាំងកំហឹង ដោយនៅក្នុងដៃមានកាន់ដំបង និងដុំថ្មផងនោះ ដោយពួកគាត់អះអាងថា នឹងវាយជនដៃដល់ដើម្បីបញ្ចេញកំហឹងជូនក្រុមគ្រួសារ ក៏ដូចជាជនរងគ្រោះទាំងពីរនាក់បងប្អូន ដែលបានស្លាប់។
បើយោងតាមសាព័ត៏មានក្នុងស្រុកមួយបានចុះផ្សាយមុននេះ បន្តិចថា ការសម្រេចចុងក្រោយ និងមានគោលការណែនាំ ពីអគ្គស្នងការនគរបាលជាតិ នៅពេលនេះសមត្ថកិច្ចរបស់លោក មិនបញ្ជូនជនដៃដល់ដែលសម្លាប់ក្មេងទាំងពីរនាក់ ទៅធ្វើត្រាប់នៅកន្លែងកើតហេតុនោះឡើយ ដោយសារតែប្រជាពលរដ្ឋជិត ១ពាន់នាក់ កំពុងរង់ចាំនៅទីនោះ នឹងអាចព្រួតវាយសម្លាប់ចោលព្រោះតែកំហឹងរបស់ពួកគាត់។
លោកឧត្តមសេនីយ៍ស្នងការ បានបញ្ជាក់ថា «នៅពេលនេះសមត្ថកិច្ចរបស់យើង សម្រេចដោយមិនបញ្ជូនជនសង្ស័យទៅធ្វើត្រាប់នៅកន្លែងកើតហេតុនោះឡើយ ដោយសារតែនៅទីនោះ មានប្រជាជនពី៥ ទៅ៦០០នាក់ នឹងបន្ដមកថែមទៀតរង់ចាំ ដូច្នេះពួកគាត់អាចផ្ទុះកំហឹងខ្លាំង ឈានដល់ការវាយសម្លាប់ជនសង្ស័យ នឹងអាចប៉ះពារជាមួយកងកម្លាំងសមត្ថកិច្ចយើងទៀតផង»។
គួរបញ្ជាក់ផងដែរថា បើយោងតាមចម្លើយសារភាពរបស់ជនសង្ស័យបានប្រាប់ទៅសមត្ថកិច្ចថា មុនពេលកើតហេតុជនដៃដល់រូបនេះ អង្គុយផឹកស្រាស នៅផ្ទះបានកន្លះលីត្រ ក៏ប្រើឲ្យប្រពន្ធរបស់ខ្លួន ជាស្ដ្រីមេម៉ាយកូន ៥នាក់ ទៅទិញពងទាកូនសម្រាប់ក្លែម។ ដោយសារតែប្រពន្ធទៅយូរពេក ខ្លួនបានបន្ដផឹកស្រារហូតដល់មួយលីត្រកន្លះ រួចក៏ដើរទៅតាមប្រពន្ធស្រាប់តែឃើញ ក្មេងរងគ្រោះទាំងពីរនាក់ នៅក្នុងផ្ទះ ក៏ធ្វើសកម្មភាពចាប់រំលោភ ហើយឈានទៅដល់ការសម្លាប់តែម្ដង។
ជនសង្ស័យមានឈ្មោះថា មាង វិចិត្រ ត្រូវបានកម្លាំងនគរបាលចាប់ខ្លួននៅរសៀលថ្ងៃម្សិលមិញ នៅស្រុកកំណើតស្រុកមេសាង ខេត្តព្រៃវែង។
ចំណែកជនរងគ្រោះកុមារារងគ្រោះមានឈ្មោះ ផា សុខលី អាយុ២ឆ្នាំ និងកុមារីជាបងមានឈ្មោះ ផា ស្រីល័ក្ខ អាយុជិត១០ឆ្នាំ៕
មានវិដេអូ៖
