ភ្នំពេញ៖ តារាកំប្លែងដ៏មានប្រជាប្រិយភាពលោក  អ៊ូ ប៉ុណ្ណារ៉ាត់ ហៅ ក្រឹម មានទុក្ខជាទម្ងន់ ដោយសារតែបាត់បង់មនុស្សជាទីស្រលាញ់ ដែលមានឈ្មោះថា លោកយាយ ម៉ី‌ ថុន  ដែលបានចែកឋាននៅសហរដ្ឋអាមេរិក ក្នុងជន្មាយុ៩៤ ឆ្នាំដោយជរាពាធ។

បើយោងតាមគណនីលោក​ ហេង ឡុង បានបង្ហោះនៅមុននេះមួយម៉ោង ដោយលោកបានរៀបរាប់យ៉ាងដូច្នេះថា "សូមចូលរួមរំលែកទុក្ខយ៉ាងក្រៀមក្រំដល់ក្រុមគ្រួសារបង អ៊ូ ប៉ុណ្ណារ៉ាត់ (ក្រឹម) ដែលបា​នបាត់បង់អ្នកម្តាយជាទីគោរព និងជាទីស្រាលាញ់ដោយលោកយាយបានធ្វើមរណៈកាលនៅវេលាម្សិលមិញ នៅសហរដ្ឋអាមេរិក ក្នុងជន្មាយុ៩៤ឆ្នាំ ដោយជរាពាធ។

សូមបួងសួង សូមឲ្យវិញ្ញាណក្ខន្ធលោកយាយទៅកាន់ឋានសុគតិភព???"។

យ៉ាងណាមិញ ក៏មានបងប្អូនជាច្រើន បានចូលរួមរំលែកទុក្ខ និងសូមឲ្យវិញ្ញាណក្ខន្ធរបស់លោកយាយទៅកាន់សុគតិភព និងសូមឲ្យក្រុមគ្រួសារនៃសព កាត់ចិត្តផងដែរ៕

ប្រភព៖ Heng Loong