កាលពីថ្ងៃទី២៩ ខែឧសភា ឆ្នាំ២០១៩ មានវិដេអូមួយត្រូវបានអ្នកលេងបណ្តាញសង្គមហ្វេសប៊ុក ធ្វើការចែករំលែកតៗគ្នាយ៉ាងច្រើន ពីសកម្មភាពរបស់ម្ចាស់រថយន្តមួយគ្រឿង ដែលបើកគេចពីប៉ូលីស ហើយស្ទើរតែបុកប៉ូលីសទៅហើយ ខណៈដែលប៉ូលីសធ្វើការឃាត់ តែម្ចាស់រថយន្តមិនព្រមឈប់។
ជាក់ស្តែងនៅក្នុងវិដេអូប្រមាណជា ៥០វិនាទី នោះបានបង្ហាញពីសកម្មភាពយ៉ាងច្បាស់ពីសកម្មភាពរបស់អ្នកបើកបរ មួយចំនួន ដែលមិនមានការទទួលខុសត្រូវ និងគេចមិនព្រមទទួលខុសត្រូវ រាល់កំហុសឆ្គងរបស់ខ្លួន ។
យ៉ាងណាមិញ ម្ចាស់គណនីហ្វេសប៊ុកដែលមានឈ្មោះថា "Teachers Children Views ទស្សនៈកូនគ្រូបង្រៀន" បានរៀបរាប់នៅលើបណ្តាញសង្គមរបស់ខ្លួនថា "វីដេអូបុកប៉ូលិសចរាចរណ៍ ទោះស្អប់ប៉ូលិសយ៉ាងណាក៏មិនគួរធ្វើបែបនេះដែរ ខុសត្រូវយ៉ាងណាឈប់និយាយគ្នាបន្តិចក៏មិនខាតពេលអីច្រើនដែរ មិនកាន់ជើងខាងណាទេ តែក៏មិនគាំទ្រទង្វើនេះដែរ"។
ភ្លាមនោះក៏មានបងប្អូនជាច្រើនបានចូលមកខមិន ពាក់ព័ន្ធនឹង ការករណីខាងលើថា "ឈប់គឺ100%អស់លុយ ខ្ញុំធ្លាប់ជួបហើយ បើទោះជាយើងគ្មានកំហុសឬក៏កំហុសនោះតិចតួចក៏ដោយ គឺពួកគាត់មិនលើកលែងដែរ តែក៏មានលោកប៉ូលីសមួយចំនួនតូចគាត់អធ្យាស្រ័យផងដែរ"។
មានវិដេអូ៖
ប្រភព៖Teachers Children Views ទស្សនៈកូនគ្រូបង្រៀន
