នាពេលបច្ចុប្បន្ន បញ្ហាគ្រោះថ្នាក់ពិតជាក្តីកង្វល់ជាខ្លាំងចំពោះ ប្រជាពលរដ្ឋ និងមន្រ្តីរាជការ ព្រោះថា ពេលមានគ្រោះថ្នាក់ម្តងៗ ត្រូវខូចខាតទ្រព្យសម្បត្តិ ឬអាចឈានដល់ការបាត់បង់ជីវិតទៀតក៏មានដែរ។
ជាក់ស្តែងគណនីហ្វេសប៊ុកមួយដែលមានឈ្មោះថា តា ប្រហុក បានធ្វើការបង្ហោះសារនៅលើបណ្តាញសង្គមនៅថ្ងៃទី០៩ ខែមិថុនា ឆ្នាំ២០១៩នេះ ថា "បងមិនចង់បានលុយសំណងរបស់ប្អូនទេ ប៉ុន្តែបងចង់បាន ការទទួលខុសត្រូវ ក្នុងការបេីកបររបស់ប្អូនទៅ ថ្ងៃមុខទៀត ការគ្រោះថ្នាក់នេះ មិនប៉ះពាល់ អាយុជីវិត គ្មានរបួសដល់នរណា ធ្ងន់ធ្ងរនោះទេ គ្រាន់តែឡានបង វាខូចខាត ប្អូនដឹងហើយ ទម្រាំបាន ទូរស័ព្ទល្អ ម៉ូតូល្អ ឡាន មិនងាយទេ ប្រហែលជាតស៊ូណាស់ មិនថាប្អូនឬខ្ញុំទេ នូវពេលនរណាម្នាក់ មកបំផ្លាញ ឬធ្វើឲ្យខូចខាតរបស់ដែលយេីងស្រលាញ់ ប្រាកដជាអន់ចិត្ត ខឹងជាខ្លាំង និងទាមទារសំណង ជាក់ស្ដែងពេលនេះបេី ប្អូនសងជាលុយដល់បងមែន ប៉ុន្តែឡានបងមិនអាចដូចដេីមទេ ពេលវេលាក៏ខាតទៀត ទូរសព្ទបេីធ្លាក់បែកហេីយ ប្រាកដជាធ្លាក់ក្តីស្រលាញ់ បេីប្អូនយល់អារម្មណ៍មួយនេះហេីយ សូមកុំឲ្យកេីតឡេីងទៀត។
#2ចំណុច ប្អូនត្រូវចាំ
1-គ្រោះថ្នាក់ វាកេីតងាយណាស់ គ្រាន់តែយើង ភ្លឹកឬភ្លេចស្មារតីតែ ពីរវិនាទី បីវិនាទី បួនវិនាទី ៥វិនាទីអាច ធ្វើឲ្យយើងគ្រោះថ្នាក់ឬស្លាប់បាន
2-អ្នកមានឡានទាំងអស់ចិត្តមិនដូចគ្នាទេ ប្រយ័ត្នគេទារសំណង លេីសពីប្រាក់ខែរបស់ប្អូន
(បងក៏ជា អ្នកក្រដូចប្អូនដែរ ប៉ុន្ដែចិត្តបងមិនក្រទេ)
(ស្អែកស្លាប់)"។
យ៉ាងណាមិញ ក៏មានបងប្អូនជាច្រើន បានសរសើរពីទឹកចិត្តបងប្អូនម្ចាស់រថយន្ត ដោយបានអនុគ្រោះដល់បុរសបើករ៉ឺក និងមិនឲ្យគាត់ចេញសងអ្វីនោះទេ គ្រាន់តែធ្វើការអប់រំដល់គាត់ បន្តិចបន្តួចប៉ុណ្ណោះ៕
ប្រភព៖ តា ប្រហុក