ខេត្តក្រចេះ ៖ កាលពីថ្ងៃទី១០ ខែមិថុនា ឆ្នាំ២០១៩ ម្សិលមិញនេះ ស្ថិតនៅចំណុចឃុំស្វាយជ្រះ ស្រុកស្នួល ខេត្តក្រចេះ។ សមត្ថកិច្ចបានឃាត់ខ្លួនបុរសវ័យចំណាស់ម្នាក់ មានឈ្មោះ ញឹប ជឿន ភេទប្រុស អាយុ៦៨ឆ្នាំ បន្ទាប់ពីរំលោភកុមារី អាយុ៧ឆ្នាំម្នាក់ បានសម្រេចជាច្រើនដង។
បើតាមសម្ដីនគរបាលស្រុកស្នួល បានឱ្យដឹងថា ក្រោយពីទទួលព័ត៌មានពីម្ដាយកុមារីរងគ្រោះថា មានករណីរំលោភសេពសន្ថវៈ លើកុមារីឈ្មោះ ដ. ណ.រ អាយុ៧ឆ្នាំ រស់នៅភូមិកើតហេតុខាងលើ ភ្លាមៗនោះនគរបាលប៉ុស្ដិ៍រដ្ឋបាលស្វាយជ្រះ បានសហការជាមួយកម្លាំងនគរបាលព្រហ្មទណ្ឌស្រុកស្នួល ចុះដល់កន្លែងកើតស្រាវជ្រាវ និងហៅជនសង្ស័យឈ្មោះ ញឹប ជឿន រស់នៅភូមិជាមួយកុមារីរងគ្រោះយកមកសួរនាំនៅអធិការេឋានគរបាលស្រុកស្នួល។
នគរបាលបន្តទៀតថា ក្រោយពីសួរនាំជនសង្ស័យសារភាពថា ខ្លួនពិតជាបានរំលោភសេពសន្ថវៈ ទៅកុមារីបានសម្រេចជាច្រើនដង ថែមទាំងគំរាមកុមារីរងគ្រោះ មិនឱ្យនិយាយប្រាប់អ្នកណានោះទេ។
បច្ចប្បន្នជន បុរសសង្ស័យត្រូវសមត្ថកិច្ចឃាត់ខ្លួនជាបណ្ដោះអាសន្ន នៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបញ្ជូន ទៅការិយាល័យជំនាញនគរបាលខេត្តក្រចេះ ដោះស្រាយតាមនីតិវិធីច្បាប់ ៕
