តាមគេហទំព័រស្នងការដ្ឋាននគរបាលជាតិបានឲ្យដឹងថា ៖ ប្តីប្រពន្ធមួយគូក្រោយ ពីប្រាប់ក្រុមគ្រួសារថា ទៅដកលុយថ្លៃលក់ដីពីគណនី នៅធនាគាររួចមក ក៏បាត់ដំណឹងមិនអាចទំនាក់ទំនងបាន ដោយគ្មានមូលហេតុ ចាប់តាំងពីពីថ្ងៃទី០៣ ខែមិថុនា ឆ្នាំ២០១៩ ។
ប្តីប្រពន្ធដែលបាត់ខ្លួនមានឈ្មោះ ហ៊ិន ភានិត ភេទប្រុស អាយុ២៥ឆ្នាំ (ប្តី) ប្រឡងជាប់ក្របខ័ណ្ឌមន្ត្រីនគរបាលជាតិ អង្គភាព នាយកដ្ឋានសរុបផែនការ មានទីលំនៅផ្ទះលេខ១១៧E3Z ផ្លូវលេខ១៣៦ ភូមិ២ សង្កាត់ផ្សារកណ្តាលទី២ ខណ្ឌដូនពេញ និងស្ត្រីជាប្រពន្ធឈ្មោះ លី ចន្ធូ អាយុ២៧ឆ្នាំ ស្នាក់នៅជាមួយគ្នា។
តាមប្រភពពីក្រុមគ្រួសារ បានប្រាប់សមត្ថកិច្ចថា មុនពេលកើតហេតុ គឺនៅថ្ងៃទី៣ ខែមិថុនា ឆ្នាំ២០១៩ វេលាម៉ោង៨និង០០នាទី ទាំងពីរនាក់ប្តីប្រពន្ធបានប្រាប់ថា ពួកគេទៅដកលុយនៅធនាគារ ABA សាខាទួលគោក លុយគេវេចូលកុងថ្លៃលក់ដី។ ពេលនោះក្រុមគ្រួសារ នៅទាក់ទងគ្នាតាមទូរស័ព្ទបានធម្មតា រហូតដល់ម៉ោង១៤និង០០នាទី ក៏ទាក់ទងតាមទូរស័ព្ទលែងបានតែម្តង។
ប្រភពខាងលើបានបន្តថា ចាប់តាំងពីថ្ងៃបាត់ខ្លួន (០៣.០៦.២០១៩) រហូតមកដល់ពេលនេះ គឺគ្មានព័ត៌មានពីពួកគេ (ប្តីប្រពន្ធដែលបាត់ខ្លួន) ទាំងពីរនាក់នេះទេ និងទូរស័ព្ទក៏មិនអាចទាក់ទងបានដែរ ៕
ប្រភព៖ ស្នងការដ្ឋាននគរបាលជាតិ
.jpg?1561635933)
.jpg?1561635933)
.jpg?1561628348)
