កាលពីថ្ងៃម្សិលមិញនេះ មានករណីចោរលួចរថយន្ត ដោយមានក្មេងស្រីចំនួនពីរនាក់បានជាប់នៅក្នុងរថយន្តសំណាងល្អណាស់ ដែលសមត្ថកិច្ចបានជួយទាន់ពេលវេលា។ ដែលហេតុការណ៍នេះបានកើតឡើង នៅចំណុច ផ្លូវ១៤៣ កែង២៧៨ ស្ថិតក្នុងសង្កាត់អូរឡាំពិក ខណ្ឌចំការមន រាជធានីភ្នំពេញ វេលាម៉ោង ជាង០៨យប់ ថ្ងៃទី១៤ ខែមិថុនា ឆ្នាំ២០១៩។
បើយោងតាមគណនីហ្វេសប៊ុករបស់ លោកបង ម៉េង អ្នកសារព័ត៌មាន បានបង្ហោះសារថា "ចោរលួចរថយន្តលេីកនេះគួរទុកជាមេរៀនទីមួយ ដែលពញ្ញាក់ស្មារតីឪពុកម្តាយគ្រប់រូប មិនត្រូវបញ្ឆេះម៉ាស៊ីនឡានទុកកូនចោលក្នុងរថយន្តបានទៀតទេ នេះសំណាងល្អហើយ បានសមត្ថកិច្ចលោកជួយបានទាន់ពេល"។
មានករណីជនសង្ស័យលួចរថយន្ត Highlander មួយគ្រឿង ចេញពីម្ដុំអាងទឹកអូរឡាំពិកខណៈដែលម្ចាស់រថយន្ត ឈប់បញ្ឆេះរថយន្តចោល និងទុកកូន២នាក់លេីរថយន្តផងដែរ រួចដេីរឆ្លងផ្លូវមកយកប្រពន្ធនៅកន្លែងគេលក់បុកល្ហុង មុខ Brown Cafe មួយសន្ទុះក្រោយមក ស្រាប់តែជនសង្ស័យឡេីងរថយន្តបេីកចេញទៅតែម្ដង ។
គឺរថយន្តហាយឡែនឌ័រ ពាក់ស្លាកលេខភ្នំពេញ 2S-4126 ពណ៍ទឹកប្រាក់ ជាមួយគ្នានេះដែរ កម្លាំងប្រចាំបញ្ជាស្នងការដ្ឋាននគរបាលរាជធានីភ្នំពេញ ប្រកាសឲ្យកម្លាំងអធិការខណ្ឌទាំង១២ ចេញឃ្លាំមេីលតាមគោលដៅទាំងអស់ នៅវេលាម៉ោងជាង០៨យប់ ថ្ងៃទី១៤ ខែមិថុនា ឆ្នាំ២០១៩នេះ ចេញពីម្ដុំកន្លែងលក់បុកល្ហុង មុខ Brown Cafe នៅចំណុចផ្លូវ១៤៣ កែង២៧៨ ស្ថិតក្នុងសង្កាត់អូរឡាំពិក ខណ្ឌចំការមន រាជធានីភ្នំពេញ។
បន្ទាប់ពីទទួលបានដំណឹងភ្លាមលោក ម៉េង វិមានតារា អធិការខណ្ឌមានជ័យ បានបញ្ជាឲ្យកម្លាំងកងអន្តរាគមន៍ខណ្ឌមានជ័យ រួមទាំងកម្លាំងប៉ុស្តិ៍ទាំង៧ ចេញល្បាត និងរងចាំឃ្លាំមេីលតាមគោលដៅនៅជាប់ព្រំប្រទល់ភ្លាម ។ លុះក្រោយមកកម្លាំងនគរបាលខណ្ឌមានជ័យបានប្រទះឃេីញនៅតាមបណ្ដោយផ្លូវ២៧១ ទេីបកម្លាំងកងអន្តរាគមន៍ប្រដេញតាមរហូតដល់ផ្លូវ២៧១ ត្រង់ចំណុចច្រមុះជ្រូកក្បាលថ្នល់ ទល់មុខអតីតក្លឹបកម្សាន្ត Cool ស្ថិតក្នុងសង្កាត់ចាក់អង្រែលើ ខណ្ឌមានជ័យ ខណៈដែលចរាចរណ៍មានការកកស្ទះនិងមមាញឹកទៀតនោះ ទេីបធ្វេីឲ្យជនសង្ស័យសម្រេចចិត្តប្លុងរថយន្តចោល រួចបេីកទ្វាររត់គេចខ្លួនបាត់ ទេីបកម្លាំងនគរបាលខណ្ឌមានជ័យ បានយកចិត្តទុកដាក់មេីលរក្សាការពារក្មេងឲ្យមានសុវត្ថិភាពសិន និងបោះដៃតាមវិទ្យុទាក់ទងប្រគល់អោយកម្លាំងនគរបាលខណ្ឌចំការមន ចុះមកទទួលយកទៅអធិការនគរបាលខណ្ឌចំការមន ដែលជាម្ចាស់ករណីវិញ រួមតាំងក្មេងស្រីទាំងពីរនាក់ក៏មានសុវត្ថិភាពផងដែរ ដើម្បីធ្វើការសាកសួរបន្ត។
មានវិដេអូ៖
ប្រភព៖ បង ម៉េង អ្នកសារព័ត៌មាន