ភ្នំពេញៈ នៅថ្ងៃទី១៧ ខែមិថុនា ឆ្នាំ២០១៩ ម្សិលមិញនេះ ក្រសួងសុខាភិបាល បានចេញលិខិតព្រមានចំពោះលោកវេជ្ជបណ្ឌិត ហម ឡុង ម្ចាស់បន្ទប់ពិគ្រោះព្យាបាលជំងឺឈ្មោះ ហម ឡុង ដែលមានទីតាំងផ្ទះលេខ 9BEo ផ្លូវលេខ១៤០ សង្កាត់មនោរម្យ ខណ្ឌ៧មករា រាជធានីភ្នំពេញ ទៅលើករណីដែលបាន ពិនិត្យនិងព្យាបាលជំងឺគ្រុនឈាម ដោយបានទារថ្លៃព្យាបាលពីក្រុមគ្រួសារអ្នកជំងឺ អស់ចំនួនរហូតទៅដល់ជាង៥២០០ដុល្លារ សម្រាប់ថ្លៃព្យាបាលជំងឺគ្រុនឈាម កុមារ២នាក់ និងសម្រាប់ការសម្រាកការព្យាបាលអស់រយៈពេល ៩ថ្ងៃ។ ដោយគិតចាប់ពីថ្ងៃទី០៥ មិថុនា ២០១៩ ដល់ថ្ងៃទី១៤ មិថុនា ដែលជាករណីខុសទៅនឹងលិខិតអនុញ្ញាត ដែលឲ្យបើកបន្ទប់ពិគ្រោះព្យាបាលជំងឺទូទៅ ដែលជាប្រភេទសេវាមិនអនុញ្ញាត ឲ្យមានគ្រែសម្រាប់អ្នកជំងឺដេកសម្រាកព្យាបាលលើសពី២៤ម៉ោងឡើយ។
ក្រសួងបញ្ជាក់ថា ប្រសិនកើតមានម្តងទៀត ក្រសួងសុខាភិបាលនឹងបិទបន្ទប់ព្យាបាលជំងឺឈ្មោះ ហម ឡុង ព្រមទាំងលោកវេជ្ជបណ្ឌិត ហម ឡុង ត្រូវទទួលខុសត្រូវចំពោះមុខច្បាប់ជាធរមាន។
លិខិតព្រមានរបស់ក្រសួងសុខាភិបាលមានដូចខាងក្រោម ៖
