ខេត្តតាកែវៈ លោកសង្ឃមួយអង្គ ត្រូវបាននគរបាល និងមន្ត្រីធម្មការ ចាប់ផ្សឹក ហើយកសាងសំណុំរឿងបញ្ជូនទៅតុលាការ ព្រោះជននោះ បានចាប់រំលោភក្មេងស្រីម្នាក់ រហូតបានសម្រេច រួចប្រាប់ក្មេងស្រី និងឳពុកម្តាយថា បញ្ចូលសិល្ប៍តាមទ្វារមាស ដើម្បីបណ្ដេញអំពើចេញពីខ្លួន ទើបអាចជាសះស្បើយ។ ម្តាយក្មេងស្រីរងគ្រោះ បាននិយាយថា ដោយមានជំនឿ ជឿទៅលើលោកសង្ឃខ្លាំងពេក ពេលកូនស្រីគាត់មានជំងឺ គាត់២នាក់ប្តី.ប្រពន្ធ ក៏ឌុបកូនស្រី អោយលោកសង្ឃនោះ ស្រោចទឹក និងដោះអំពើរចេញ។
ស្ត្រីនោះបានបន្តថា ពេលឌុបកូនស្រីដល់វត្តគាត់ ក៏ប្រាប់លោកពីជំងឺរបស់កូនស្រី ស្តាប់សភាពជំងឺរួចហើយលោកសង្ឃនោះ ក៏ហៅកូនស្រីគាត់ទៅស្រោចទឹក បន្ទាប់មកក៏អោយកូនស្រីគាត់ទៅក្នុងបន្ទប់កុដិ ដោយនៅជុំវិញគ្រែ មានចងរបាំងដោយស្បង់ជុំវិញ ចំណែករូបគាត់នៅអង្គុយក្បែរគ្រែនោះដែរ។ ម្តាយក្មេងស្រីនោះ បានបន្តទៀតថា “ពេលលោកសង្ឃ ធ្វើសកម្មភាព គាត់លឺកូនស្រីគាត់ថ្ងូរដែរ តែមិនចាប់អារម្មណ៍ ព្រោះនឹកស្មានថា លោកសង្ឃកំពុងដោះអំពើរ គាត់ក៏ទ្រាំនៅស្ងៀមទៅ។ មួយសន្ទុះក្រោយមក លោកសង្ឃក៏ចេញ មកហើយប្រាប់គាត់ថា អោយនាំកូនស្រី មកស្រោចទឹកម្តងទៀត ជាសះស្បើយហើយ។
ពេលគាត់នាំកូនស្រីទៅ អោយលោកស្រោចទឹកម្តងទៀត ក៏ឃើញមានឈាមប្រឡាក់នៅត្រង់គូទខោកូនស្រី គាត់នឹកគិតថា ជាឈាមរដូវ។ ពេលឌុបកូនស្រី ទៅដល់ផ្ទះវិញ ឃើញកូនស្រី នៅតែមានឈាមហូរអត់ឈប់។ គាត់២នាក់ ប្តីប្រពន្ធ ក៏ឌុបកូនស្រីនោះ ទៅអោយពេទ្យពិនិត្យមើល ទើបដឹងថា លោកសង្ឃរំលោភ។
ភ្លាមនោះ ស្ត្រីជាម្តាយ ក៏សួរថា “ហេតុអីក៏មិនស្រែកប្រាប់ម៉ែ” កូនស្រីតបវិញថា “បានជានាងមិនប្រាប់ម៉ែ ព្រោះនឹកគិតថា លោកសង្ឃនោះដោះអំពើ”។ នៅចំពោះមុខសមត្ថកិច្ច ជនសង្ស័យបានសារភាពថា រូបគេពិតជាបានចាប់រំលោភក្មេងស្រីនោះ ប្រាកដមែន ព្រោះពេលក្មេងស្រីស្រាតខោដោះអំពើ រូបគេឃើញទំនងពេក ក៏ប្រើពិធីដេញអំពើ តាមរូបភាពរំលោភទៅ ៕
ប្រភពៈ Heng Ly
