ភ្នំពេញ ៖ មានហេតុការណ៍ដ៏ភ្ញាក់ផ្អើលមួយបានកើតឡើង បន្ទាប់ពីមានបុរសម្នាក់ទាញកាំបិតដេញកាប់ឪពុកម្តាយផ្អេីលពេញអ្នកភូមិ ព្រោះខឹងសុំលុយទិញថ្នាំញៀនជក់មិនបាន កាលពី​វេលា​ម៉ោង​៩​ និង​៣០​នាទី​ព្រឹក​ ថ្ងៃទី​២៦​ ខែមិថុនា​ ឆ្នាំ​២០១៩​ ស្ថិតក្នុងភូមិ​ត្រពាំង​ល្វា​២​ សង្កាត់​កា​កាប​១​ ខណ្ឌ​ពោធិ៍សែន​ជ័យ ។​

បុរសបង្កហេតុខាងលេីមានឈ្មោះ​ សុវណ្ណ​រិ​ទ្ធ​ ភេទ​ប្រុស​អាយុ​២៥​ឆ្នាំ​ មុខរបរ​មិនពិតប្រាកដ​ ​មាន​ទីលំនៅ​ភូមិ​ត្រពាំង​ល្វា​២​ សង្កាត់​កា​កាប​១​ ខណ្ឌ​ពោធិ​សែន​ជ័យ​។

បើតាមសម្តីឪពុកម្តាយបុរសបង្កហេតុខាងលេីបានឲ្យដឹងថា​ កូនរបស់គាត់មួយថ្ងៃៗមិនដែលធ្វេីការងារអីទេ ដឹងតែសុំលុយយកទៅទិញថ្នាំញៀនជក់ លុះនៅយប់ថ្ងៃទី២៥ ខែមិថុនា​ ឆ្នាំ២០១៩​ ក៏សុំលុយដេីម្បីយកទៅទិញថ្នាំញៀនជក់ តែរូបគាត់មិនឲ្យធ្វេីឲ្យគេខឹងទាញកាំបិតដេញកាប់ពួកគាត់ផ្អេីលដល់អ្នកភូមិនិងរាយការណ៍ទៅសមត្ថកិច្ចចុះអន្តរាគមន៍តែជនសង្ស័យគេចខ្លួនបាត់។

លុះ​មកដល់​ព្រឹក​ថ្ងៃទី​២៦ នេះ ​បុរសខាងលេីបានចូល​ផ្ទះ​វិញ ទេីបឪពុកម្ដាយរាយការណ៍ទៅនគរបាលចុះមកឃាត់ខ្លួនតែម្តង។

បច្ចុប្បន្ន បុរសសង្ស័យខាងលើត្រូវបានសមត្ថកិច្ចបញ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យ ដេីម្បីសាកសួរ៕