​​ភ្នំពេញ​ ​:​ ​លោក រ៉ាត់​ ​រ័ត្ន​មុនី​ ​ដែល​សង្ស័យ​ថា​ ​ជាផលិករ ​រឿង​ ​"​ ​ម្ដាយ​ខ្ញុំ​ ​លក់​ខ្ញុំ​"​ ​ដែល​ធ្វើឲ្យ​ប៉ះពាល់​ ​កិត្តិយស​រដ្ឋាភិបាល​ ​នា​រសៀល​ថ្ងៃ​ ​ទី២៦​ ​មិថុនា​ ​នេះ​ ​ត្រូវ​បាន​តុលាការ​ប្រកាស​សាលក្រម​ផ្តន្ទា​ទោស​ ​ឲ្យ​ជាប់ពន្ធ​នា​គារ២ឆ្នាំ​ ​និង​ពិន័យ៣៥​ ​លាន​រៀល​។​ 

​លោក​ ​រ៉ាត់​ ​រ័ត្ន​មុនី​ ​ត្រូវ​បាន​ចាប់​បញ្ជូន​ខ្លួន​ពី​ប្រទេស​ថៃ​ ​កាលពី​ចុងឆ្នាំ២០១៨​ ពីបទថា បាន ផលិតរឿង ​"​ ​ម្ដាយ​ខ្ញុំ​ ​លក់​ខ្ញុំ​ ​"​ ​ចាក់​ផ្សាយ​តាម​ប្រព័ន្ធ​ផ្សព្វផ្សាយ​រុស្សី ​RT​ ​(​Russia​ ​Today​ ​)​ ​ដែល​ធ្វើឲ្យ​ប៉ះពាល់​ ​ដល់​មុខមាត់​រដ្ឋាភិបាល​ ​។​

យ៉ាងណាក៏ដោយ ​នៅក្នុង​សវនាការ​ ​កាលពី​ពេល​កន្លងទៅ​ ​លោក​បាន​អះអាង​ថា​ ​​លោក​គ្រាន់តែ​ជា​អ្នកបកប្រែ​ឲ្យ​គេ​ ​ចំណែក​រឿង​ថត​ ​និង​កាត់ត​វីដេអូ​ ​យក​ទៅ​ផ្សាយ​លោក​អត់​បានដឹង​ទេ​។​ ​ជនជាប់ចោទ​ ​បញ្ជាក់ថា ​"ខ្ខ្ញុំក៏មិនបានស្គាល់តួអង្គក្នុងរឿងនោះដែរ ​គឺក្រុម​អ្នកាសែត​រុស្ស៊ី​ទាំងអស់​នោះ​ ​ជាអ្នកស្វែងរកដោយខ្លួនពួកគេ" ៕