ភ្នំពេញ៖ បុរសម្នាក់ ត្រូវកម្លាំងសមត្ថកិច្ចឃាត់ខ្លួន ក្រោយរូបគេបានធ្វើសកម្មភាពកាច់កម៉ូតូរបស់ប្រជាពលរដ្ឋ រួចព្យាយាមរត់គេច នៅវេលាព្រឹកថ្ងៃទី០៥ ខែ កក្កដា ឆ្នាំ២០១៩ ស្ថិតនៅចំណុចច្រមុះជ្រូកវត្តហា ផ្លូវ៥០ម៉ែត្រ សង្កាត់ដង្កោ ខណ្ឌដង្កោ។
ជនសង្ស័យឃាត់ខ្លួនឈ្មោះ សុខ ឆេង ភេទប្រុស អាយុ៤៥ឆ្នាំ មានមុខរបរជាអ្នករត់កង់បី ស្រុកកំណើត ភូមិឈ្លោង ឃុំឈ្លោងស្រុកឈ្លោង ខេត្តក្រចេះ ។
សមត្ថកិច្ចបានប្រាប់ឲ្យដឹងថា ជនសង្ស័យបានធ្វើសកម្មភាពលួចកាច់កម៉ូតូមួយគ្រឿងម៉ាក ហុងដាឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ 1HQ 2952 ដែលចតទុកចៅនៅមុខផ្ទះ បានសម្រេចហើព្យាយាមជិះគេចខ្លួន តែត្រូវកម្លាំងដែលកំពុងជិះល្បាត ក៏ដេញតាមចាប់រហូតមកដល់ចំណុចច្រមុះជ្រូកវត្តហា ក៏ចាប់ត្រូវកម្លាំងរបស់លោកធាក់ផ្តួលចាប់បានភ្លាមៗតែម្តង។
បច្ចុប្បន្នសមត្ថកិច្ច បានធ្វើការឃាត់ខ្លួនជនសង្ស័យរួមនឹងវត្ថុតាង ដើម្បីធ្វើការសាកសួរនឹងកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
