អស្ចារ្យមែន...វិចិត្រករខ្មែរមួយរូប ទទួលបានការសរសើរតារាចំរៀងអាមេរិក ប៊ីយ៉ុនសេ...(មានវិដេអូ)

ភ្នំពេញ៖ នៅពេលថ្មីៗនេះ មានអ្នកលេងបណ្តាញសង្គមជាច្រើនបានធ្វើការចែករំលែក ពីស្នាដៃវិចិត្រករខ្មែរម្នាក់ ដែលត្រូវបានគេស្គាល់ថា ជាកូនប្រុសទី២ លោក ថៃ នរៈសត្យា ដែលមានទេពកោសល្យខាងជាងគំនូរ បែបឌីជីថល ដ៏អស្ចារ្យមែនទែន ធ្វើឲ្យមហាជនមានការសរសើរពីស្នាដៃដ៏ល្អឯករបស់លោកជាខ្លាំង។

លោក ថៃ នរៈបណ្ឌិត ហៅថា បេននី ជាកូនប្រុសលោក ថៃ នរៈសត្យារូបនេះ ត្រូវបានសារព័ត៏មានជាច្រើនបានធ្វើការចុះផ្សាយពីស្នាដៃរបស់លោក ដោយនៅក្នុងលោកបានគូររូបតារាចំរៀងបរទេសដ៏ល្បីឈ្មោះម្នាក់ នោះគឺ នាង ប៊ីយ៉ុនសេ បានស្រស់ស្អាត រហូតធ្វើឲ្យអ្នកម្តាយរបស់ នាង ប៊ីយ៉ុនសេ សរសើរមិនដាច់ពីមាត់ថា ស្រស់ស្អាតខ្លាំង ដូចរូបពិតៗអញ្ចឹង។

លោកបេននី បានប្រាប់ឲ្យដឹងថា "ខ្ញុំក៏មិនដឹងទេថា តើមានអ្វីនៅពីក្រោយនៃការចាប់អារម្មណ៍នឹងស្នាដៃគំនូរនោះទេ។ ខ្ញុំគ្រាន់តែគូររូបនោះដោយក្តីស្រឡាញ់ និងម្យ៉ាងទៀតគាត់ ក៏ជាតារាចម្រៀងស្រីជាទីពេញចិត្តរបស់ខ្ញុំផងដែរ។ ខ្ញុំក៏មិនរំពឹងថា មានអ្នកចូលចិត្តស្នាដៃខ្ញុំច្រើនបែបនេះដែរ ជាពិសេសនោះមនុស្ស ៣ នាក់ដែលពាក់ព័ន្ធនឹងតារាចម្រៀងស្រីអាមេរិក ប៊ីយុនសេ តែម្តងបានចាប់អារម្មណ៍ និងគាំទ្រគំនូររបស់ខ្ញុំ។ ទី ១ អ្នកតុបតែងកាយផ្ទាល់ខ្លួន ទី ២ អ្នកជំនាញរៀបចំម៉ូដ ឬស្ទីល និងអ្នកទី ៣ គឺជាម្តាយបង្កើតរបស់ ប៊ីយុនសេ"។

លោកបានបន្ថែមទៀតថា "ក្រោយពីលោកបានការទទួលបានចាប់អារម្មណ៍ ក៏មានអ្នកតុបតែងកាយផ្ទាល់ខ្លួនរបស់តារាចំរៀងដ៏ល្បីឈ្មោះ អាមេរិក ប៊ីយុនសេរូបនេះ ចង់សហការជាមួយរូបលោកថែមទៀផង"។

លោកបានបន្ថែមទៀតថា លោកមិនបានរៀនពីសាលាណានោះទេ ដោយលោកចូលចិត្តគូររូបពីកំណើត ហើយលោកបានស្រាវជ្រាវពីក្នុង យូធូប មករៀនបន្ថែមតែប៉ុណ្ណោះ ។ ទើបតែរយៈ៥ខែមកនេះទើបលោកបានចូលរៀន ហើយក៏បង្កើតបានស្នាដៃគំនូរឌីជីថលទាក់អារម្មណ៍ខាងម្ចាស់រូបគឺតារាចម្រៀងស្រី ប៊ីយ៉ុនសេ តាមរយៈចម្រៀងថ្មីបទ «Lion King»។

នៅក្នុងនោះលោកបេននី ក៏បានប្រាប់ឲ្យដឹងថា តំលៃគំនូខ្មៅដៃអាចលក់បានតម្លៃចន្លោះពី ១០០ ដុល្លារ ទៅ ៥០០ ដុល្លារក្នុង ១ ផ្ទាំង ហើយត្រូវប្រើរយៈគូរវិញ យ់ាងតិចបំផុត ២-៣ ម៉ោង (ចំពោះគំនូរធម្មតា) រហូតដល់ ៣-៤ ថ្ងៃ (ជាគំនូររឿងលម្អិត)៕