ប្លែកៗណាស់ស្រុកខ្មែរ...លោក ផែង វណ្ណៈ ឆ្ងល់ថា ហេតុអីបានចាំបាច់សឹកទាំងយប់កណ្ដាលអាធ្រាតអញ្ចឹង មានបងប្អូនណាដឹងជួយប្រាប់ផង...

កាលពីថ្ងៃម្សិលមិញនេះ មានករណីដ៏កក្រើកមួយបានកើតឡើង ដោយព្រះតេជគុណ កក្កដា សុភ័ណ្ឌ ដែលបានល្បីថាត្រូវគេប្លន់សម្លាប់យ៉ាងព្រៃផ្សៃ បានធ្វើឲ្យមហាជន មិនពេញចិត្តនឹងទង្វើបែបនេះ ដែលប៉ះពាល់ដល់ព្រះពុទ្ធសាសនា។

ភិក្ខុ កក្កដា សុភ័ណ្ឌ គង់នៅកុដិលេខ២៥ វត្តសារាវ័ន្តតេជោ ខណ្ឌដូនពេញ រាជធានីភ្នំពេញ ដែលជាទូទៅតែងតែឃើញព្រះតេជគុណជួយដល់ ចាស់ជរា និងក្មេងកំព្រាជាច្រើននោះ ស្រាប់តែបានធ្វើរឿងដ៏ធំមួយ ជាហេតុធ្វើឲ្យប៉ះពាល់យ៉ាងខ្លាំងក្នុងព្រះពុទ្ធសាសនា ហើយនាពេលនេះ ក៏ត្រូវបានមន្រ្តីសង្ឃ សាលាអនុគណខណ្ឌដូនពេញ និមន្តមកដោះស្រាយ តាមធម៌វិន័យ រួចរាល់ជាស្ថាពរហេីយ ។

ជាក់ស្តែងនៅក្នុងគណនីហ្វេសប៊ុករបស់លោក ផែង វណ្ណៈ បានសរសេរលើកឡើងថា "ប្លែកៗណាស់ស្រុកខ្មែរ ពេលបុគ្គលសង្ឃប្រព្រឹត្តខុសធម៌វិន័យធ្ងន់ធ្ងរ ត្រូវបានមន្ត្រីសង្ឃបង្ខំអោយសឹកដោយស្ម័គ្រចិត្តទាំងយប់ ។ ខ្ញុំឆ្ងល់ហេតុអីបានចាំបាច់សឹកទាំងយប់កណ្ដាលអាធ្រាតអញ្ចឹង ? មានច្រេីនករណីហេីយដែលសឹកតែពេលយប់ ។ តេីពេលភ្លឺសឹកមិនបានឬ ? ឬ មួយខ្លាចអ្នកកាសែតដឹងបានរកស៊ីតែពេលយប់អាធ្រាត្រ ? ហេីយករណី ចៅ អធិការវត្តពោធិចិនតុង មានស្រីស្នេហ៍ដោះស្រាយដល់ណាហេីយ ? ចប់ត្រឹមឆ្លេីយថារូបកាត់តឬ ? បេីឆ្លេីយថារូបកាត់ត តេីរូបថតពិតនៅឯណា ? យករូបថតពិតមកបង្ហាញអោយមហាជនអស់ចម្ងល់ផង "។