ភ្នំពេញ៖ បុរសម្នាក់ទំនងជាស្រវឹងស្រា ជិះម៉ូតូ Honda Beat មួយគ្រឿង ក្នុងល្បឿនលឿនល្មម អកហ្សឺរថយន្តកូរ៉េដឹកទឹកកក បត់ចូលផ្លូវក្លោងទ្វារ បានចាប់ហ្វ្រាំងមុខទាំងបង្ខំ ដួលបោកនឹងថ្នល់ដោយខ្លួនឯង បណ្តាលឲ្យរងរបួសបែកក្បាល និងរលាត់ដៃរលាត់ជេីង តែត្រូវបានប្រជាពលរដ្ឋ និងនារីរូបស្រស់សោភាម្នាក់ បានឃើញក៏ចូលទៅជួយលើកគ្រាមកលើចិញ្ចើមផ្លូវ ធ្វេីឲ្យនាងប្រលាក់ឈាមពេញដៃជើង រួចរាយការណ៍ប្រាប់សមត្ថកិច្ចល្បាតប៉ុស្តិ៍បឹងទំពុនទី១ ហៅរថយន្តគិលានសង្គ្រោះគ្លីនិកឯកជន ហុងហាក់ បេីកបរដោយលោកពូ K50 មកដល់កន្លែងកេីតហេតុដែរ កាលពីវេលាម៉ោង០២:៤៥នាទីយប់រំលងអធ្រាត្រ ចូលថ្ងៃអង្គារ៍ ទី១៥ ខែតុលា ឆ្នាំ២០១៩នេះ នៅតាមផ្លូវ២៧១ ជិតក្លោងទ្វារចូលមុខវត្តសន្សំកុសល ភូមិក្បាលទំនប់ សង្កាត់បឹងទំពុនទី១ ខណ្ឌមានជ័យ ភ្នំពេញ។
យ៉ាងណាមិញបន្ទាប់ពីបានឃើញនៅសកម្មភាពរបស់នារីរូបស្រស់ម្នាក់នេះរួចបានធ្វើឲ្យមហាជនជាច្រើនបានកើតមានក្តីត្រេកអរយ៉ាងខ្លាំងព្រោះប្អូនស្រីមានចិត្តល្អចេះជួយអ្នកដ៏ទៃដោយមិនបានគិតពីអ្វីទាំងអស់ទោះបីជាមានឈាមប្រលាក់ពេញខ្លួនយ៉ាងណាក៏ដោយក៏ប្អូនស្រីមិនបានខ្ពើមសូម្បីតែបន្តិចសំខាន់ជួយជនរងគ្រោះសិន។ ប្រភព៖ បង ម៉េង អ្នកសារព័ត៌មាន-អត់លុយ
សូមទស្សនាវិដេអូខាងក្រោម៖