ហ្វេសប៊ុក៖ បងប្អូនច្បាស់ជាបានដឹងហើយថានៅកាលពីយប់មិញនេះបានកើតមានរឿងភ្ញាក់ផ្អើលមួយនៅកោះពេជ្យដោយសារតែមានបុរសម្នាក់ដែលជាអ្នកលក់ពោតស្ងោរត្រូវបានសន្តិសុខនៅទីនោះចាប់យកពោតអស់ហើយថែមទាំងដឹងពោតនោះយកទៅបាត់ទៀតដោយមិនបានឲ្យពោតនោះមកអ្នកលក់វិញទេ ស្របពេលនោះបងប្រុសដែលជាអ្នកលក់បានជិះកង់ទទេមកផ្ទះវិញទាំងអស់សង្ឃឹមព្រោះគ្មានលុយឲ្យថ្លៃពោតគេហើយថែមទាំងលក់បានលុយបន្តិចបន្តួចទៀតមិនគ្រប់ថ្លៃដើមផង។
នេះបើយោងទៅតាមគណនីហ្វេសប៊ុកដែលមានឈ្មោះថា Pheng Vannak News បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ៖ បន្ទាប់ពីទទួលដំណឹងថា ប្អូនប្រុសលក់ពោតដ៏កំសត់ម្នាក់ ត្រូវបានសន្តិសុខកោះពេជ្រចាប់រឹបអូសយកពោតស្ងោរអស់កាលពីយប់ថ្ងៃទី ២២ ខែ តុលា ឆ្នាំ ២០១៩ នៅព្រឹកថ្ងៃទី ២៣ ខែ តុលា ឆ្នាំ ២០១៩ នេះ ខ្ញុំបាទបាននាំយកថវិកាចំនួន ២០០ ដុល្លារ ( ថវិកាខ្ញុំ ១៥០ ដុល្លារ ថវិកាលោក លី សំអុល និង ភរិយា ៥០ ដុល្លារ ) ទៅប្អូនប្រុសនិងភរិយា នៅភូមិទី ១៧ សង្កាត់ បឹងសាឡាង ខណ្ឌទួលគោក រាជធានីភ្នំពេញ ។
ប្អូនប្រុសមានឈ្មោះ ជាប ទូច ប្រពន្ធ ឈ្មោះ ឈាង គន្ធា មានកូន ២ នាក់ មានស្រុកកំណេីតនៅស្រុកព្រះស្ដេច ខេត្ត ព្រៃវែង បានមកជួលបន្ទប់គេស្នាក់នៅរកស៉ីស្ងោរពោតដេីរលក់ដេីម្បីផ្គត់ផ្គង់ជីវភាពគ្រួសារ ។ សូមទស្សនាវិដេអូខាងក្រោម៖
