ភ្នំពេញ៖ នារីម្នាក់បានបាត់ប្តីពីផ្ទះជាច្រើន សង្ស័យថាប្តីមានស្រីខាងក្រៅ ក៏តាមដានរហូតតាមទាន់ឃើញប្តីនិងស្រីនៅក្នុងបន្ទប់ ជួលមួយកន្លែងរួចចាក់សោរពីខាងក្រៅ បង្កឲ្យមានការភ្ញាក់ផ្អើលជាខ្លាំង កាលពីថ្ងៃទី២៤ ខែតុលា ឆ្នាំ២០១៩ ដែលហេតុការណ៍នេះបានកើតឡើងស្ថិតក្នុងសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។
ស្ត្រីជាប្រពន្ធមានឈ្មោះថា អិត ដាលីន អាយុ២៧ឆ្នាំ បច្ចុប្បន្នរស់នៅម្តុំផ្សារឯករាជ្យ៣ សង្កាត់ស្តឹងមានជ័យ៣ខណ្ឌមានជ័យ។ ចំណែកប្តីមានឈ្មោះ ស្រៀង ធារិទ្ធ អាយុ៣១ឆ្នាំ មុខរបរធ្វើការនៅក្រុមហ៊ុនជាងដែកស្នាក់នៅជាមួយគ្នា ។
ស្រ្តីជាប្រពន្ធបានប្រាប់ថា ខ្លួនបានរៀបការជាមួយគ្នាអស់រយៈពេល៧ឆ្នាំមកហើយ មានកូនចំនួន២នាក់ ។ ប្រពន្ធបានប្រាប់ទៀតថា ប្តីរបស់គាត់ដំបូងល្អណាស់ តែមួយរយៈក្រោយនេះចេះតែប្លែកៗ មិនឲ្យលុយទៅខ្លួនសោះ ថែមទាំងប្រើអំពើហិង្សាលើខ្លួនទៀត។ ដោយមានការសង្ស័យ ស្រ្តីជាប្រពន្ធក៏បានតាមដានបន្ទប់ជួលស្រីស្នេហ៍របស់ប្តីភ្លាមៗនោះគាត់ ក៏បានឃើញប្តីនិងស្រីស្នេហ៍នៅក្នុងបន្ទប់ជាមួយគ្នា ក៏ចាក់សោរពីខាងក្រៅមិនឲ្យចេញរួចហើយក៏ប្តឹងទៅសមត្ថកិច្ចនគរបាលប៉ុស្តិ៍ចោមចៅទី២។
ក្រោយពីបានឃើញប្តីនៅជាស្រី សមត្ថកិច្ចក៏បានធ្វើឃាត់ខ្លួនយកទៅសួរនាំនាំប៉ុស្តិ៍រដ្ឋបាលចោមចៅទី២ខណ្ឌពោធិ៍សែនជ័យដើម្បីដោះស្រាយនិងសម្របសម្រួលតាមនីតិវិធីច្បាប់៕
ប្រភព៖ កូន ខ្លាតូច
