ភ្នំពេញ៖ បងប្អូនច្បាស់ជាបានជ្រាបហើយថា នៅកាលពីម្សិលមិញនេះមានគ្រោះថ្នាក់ចរាចរណ៍មួយបានកើតឡើងរវាងម៉ូតូនិងម៉ូតូដោយបង្ករឲ្យព្រះសង្ឃមួយអង្គរងរបួសធ្ងន់ និងអ្នកបើករងរបួសស្រាល ទីតាំងកើតហេតុជាប់របងវិទ្យាល័យព្រះស៊ីសុវត្ថិ។
នេះបើយោងទៅតាមគណនីហ្វេសប៊ុកដែលមានឈ្មោះថា Yin Vay បានធ្វើការលើកឡើងឲ្យដឹងនៅលើបណ្តាញសង្កមហ្វេសប៊ុកថា ៖ ខ្ញុំព្រះករុណាបានប្រគេនបច្ច័យសម្រាប់ព្យាបាលបន្តិចបន្តួចនិងបានសាកសួរសួរសុខទុក្ខព្រះអង្គ មេន ផាត់យ៉ា ដែលជួបគ្រោះកាលពីល្ងាចមិញនេះ ជាប់របងវិទ្យាល័យព្រះស៊ីសុវត្ថិ។
សូមប្រគេននិងជម្រាបជូនថា៖ ព្រះអង្គមានជីវភាពខ្វះខាតខ្លាំងណាស់ ជាកូនកំព្រាម្តាយមានតែញោមប្រុស គង់នៅវត្តចាស់ ស្រុកកំណើតមកពីស្រុកស្វាយជ្រុំ ខេត្តស្វាយរៀង ឥឡូវកំពុងសង្គ្រោះបន្ទាន់នៅមន្ទីរកាល់ម៉ែត ហើយអាការៈប៉ះពាល់ព្រះកេសខ្លាំងដោយហូរឈាមតាមត្រចៀកមិនឈប់ បើតាមការរៀបរាប់អំពីគ្រួសារព្រះអង្គ (ឈាមកកនៅព្រះកេស) និងត្រូវចំជើងមួយចំហៀងទៀតខ្លាំង ទន្ទឹមព្រះអង្គទើបជាពីអាពាធ។
?សូមអំពាវនាវសប្បុរសមេត្តាជួយផ្តល់ឈាមផង ខណៈពេលនេះព្រះអង្គត្រូវការឈាមដើម្បីជួយសង្គ្រោះបន្ទាន់ ព្រោះមានបញ្ហាខ្វះខាតច្រើនណាស់ក្នុងការព្យាបាលជំងឺព្រះអង្គ។ សម្រាប់ព័ត៌មានបន្ថែម ឬសម្រាប់ការឧបត្ថម្ភសូមទំនាក់ទំនងមកកាន់?098700990-?015 848 299 សូមអរព្រះគុណនិងអរគុណ។