ទឹកមុខគួរឲ្យអាណិតណាស់! យុវជនម្នាក់ បើកម៉ូតូសណ្ដោងរ៉ឺម៉កដឹកខ្ទឹមពេញ លឿនស្លេវ មិនប្រយ័ត្ន ចាប់ហ្វ្រាំងមិនស៊ី ជ្រុលទៅបុករថយន្ត PRUIS ទារសំណង100$ ខលទៅថៅកែចុចបិទលេខទូរស័ទ្ទទៀត ចុងក្រោយ....

យុវជនម្នាក់ បើកម៉ូតូសណ្ដោងរ៉ឺម៉កដឹកខ្ទឹមពេញរ៉ឺម៉ក លឿនស្លេវ មកពីក្រោយ លឿនស្លេវ មិនប្រយ័ត្ន ចាប់ហ្វ្រាំងមិនស៊ី ជ្រុលទៅបុករថយន្ត PRUIS បេីកបរដោយស្ត្រីម្នាក់និងកូនប្រុសស្រី៣នាក់ទៀត កំពុងឈប់រងចាំស្តុប តែសំណាងល្អមិនមានរបួសទេ គ្រាន់តែកំពិតរថយន្តចំហៀងខាងស្ដាំប្រហែលមួយចង្អាមប៉ុណ្ណោះ នៅចំណុចស្តុបស្ពានដែកចំការដូង សង្កាត់ស្ទឹងមានជ័យទី៣ ខណ្ឌមានជ័យ បង្កការភ្ញាក់ផ្អើលដល់សមត្ថកិច្ចចុះមកជួយសម្រួលចរាចរណ៍ និងអោយរថយន្តនិងម៉ូតូអែបខាងសិន ដេីម្បីចរចារគ្នាមួយជំហ៊ានសិន ។

គេទាដំបូង១៥០$ តែចរចារគ្នាសល់ត្រឹម ១០០$ ទេីបOKទាំងសងខាង ហេីយខ្ចីទូរស័ព្ទម្ចាស់ឡាន ទាក់ទងទៅថៅកែប្រុស ប្រាប់ថាបេីករ៉ឺម៉កបុកឡានគេ លូវម្ចាស់ឡានទារអោយសងថ្លៃខូចខាត ស្រាប់តែថៅកែចុចបិទចោលទូរស័ព្ទចោល ទាក់ទងលែងចូលទាំងពីរលេខតែម្ដង ។ មិនដឹងក្នុងចិត្តភ័យយ៉ាងណាទេ ស្ទាក់ស្ទើរៗចង់ហៅម៉ូតូឌុបជិះទៅផ្ទះថៅកែ តែមិនសូវស្គាល់ទៀត ខ្ញុំគ្មានអ្វីជួយប្អូនទេ តែសួរទៅ ស្គាល់ច្រកចូលអត់ ស្គាល់ក្លោងទ្វារចូលបុរីនឹងភ្លោះមានទ្វារពីរធំៗ ទេីបខ្ញុំបានត្រឹមតែជួយដឹកប្អូន ទៅរកផ្ទះថៅកែ ពេលជិះតាមផ្លូវក៏បានរៀបរាប់ថា ទៅខ្ចីលុយថៅកែ១០០$សិន ដេីម្បីសងគេ ព្រោះខ្លួនគាត់គ្មានលុយទេ។

ខ្ញុំសួរទៀតថា នៅក្នុងបុរីពិភពថ្មីមែន? ហេីយស្គាល់ផ្ទះទេ គាត់ឆ្លេីយថានឹងហេីយ ស្គាល់តែស្លាកទ្រូម៉ានីពីមុខផ្ទះប៉ុណ្ណោះ លុះជិះចូលទៅដល់ក្នុង គ្រាន់តែឃេីញស្លាកភ្លាម គាត់ស្រែកនោះផ្ទះនោះហេីយបងផ្ទះថៅកែខ្ញុំ តែចាក់សោរបាត់ហេីយនឹង ខ្ញុំថា ហេីយចាក់សោរចាក់ទៅ ក្រែងមកខ្ចីលុយថៅកែ សងឡានគេ និងយករ៉ឺម៉កដឹកខ្ចឹមនោះមកវិញហី? ខ្ញុំក៏ប្រាប់អោយគោះទ្វារទៅ ហេីយប្រពន្ធថៅកែ បេីកភ្លេីងហេីយស្រែកសួរគាត់ជាអ្នកណា ទេីបគាត់ប្រាប់ថាកូនចៅមេ បេីករ៉ឺម៉កបុកឡានគេ គេអោយសង ក៏ស្ដីបន្ទោសអោយយុវជននោះបានមួយសន្ទុះ គ្នាក៏សុំខ្ចីលុយដេីម្បីយកទៅសងគេ ទេីបថៅកែស្រីដេីរចូលទៅក្នុងយកទូរស័ព្ទចុចទៅប្ដី តែទូរស័ព្ទមិនចូល រួចដេីរមកវិញហុចលុយអោយយុវជននោះ តែ១០ម៉ឺនរៀល យកទៅសងគេទៅ បេីគេយកមិនយកទេ ទុកអោយប៉ូលិសយកទៅទុក ចាំដោះស្រាយពេលក្រោយទៅ! ៕ ប្រភព៖ បង ម៉េង អ្នកសារព័ត៌មាន