ពិតជាល្អណាស់! ស្តេចប្រដាល់ ប៊ូខាវ ប្រកួតបានរាប់មុឺនដុល្លារ ប្រើជីវិតសាមញ្ញទិញផ្លែដូង មួយ២៥០០រៀល ក្នុងរាជធានីភ្នំពេញ...

ស្ដេចប្រដាល់ថៃ ប៊ូខាវ គឺជាកីឡាករប្រដាល់ដ៏ខ្លាំងជាងគេបំផុតមួយរូបប្រចាំប្រទេសថៃ និងជាជើងខ្លាំងម្នាក់ក្នុងចំណោមជើងខ្លាំងនៃទ្វីបអាស៊ីផងដែរ និងមានអ្នកគាំទ្រច្រើនទាំងក្នុង និងក្រៅប្រទេស។ ហើយកាលពីថ្មីៗនេះ ស្តេចប្រដាល់ ប៊ូខាវ ក៏បានចេលមុខនៅសង្វៀន MasFight នៅក្នុងប្រទេសកម្ពុជា ដោយផ្ដួលដៃគូបានយ៉ាងងាយ ដោយវាយមិនទាន់ហត់ផង។

ទន្ទឹមនឹងនេះដែរ ចំពោះព្រឹត្តិការណ៍ដ៏អស្ចារ្យនេះ ក៏មានវត្តមានស្តេចប្រដាល់ថៃ ប៊ូ ខាវ ចូលរួមប្រកួតផងដែរ ដែលជាការប៉ះគ្នាជាមួយ កីឡាករមកពីប្រទេសហូឡង់ Chris Ngimbi ចំណែកឯលទ្ធផលនោះ ស្តេចប្រដាល់ថៃ ប៊ូ ខាវ បានយកឈ្នះដៃគូរបស់ខ្លួន Chris Ngimbi ដោយបានវាយសន្លប់នៅនាទីទី៤និង១១វិនាទី។

យ៉ាងណាមិញ រូបភាពដ៏កម្រដែលស្តេចប្រដាល់ ប៊ូខាវ កាលពីព្រឹកមិញនេះ ប្រើជីវិតសាមញ្ញដើរទិញដូងធម្មតានៅទីក្រុងភ្នំពេញ ខណៈដែលប្រកួតកាលពីយប់មិញនេះ បានរាប់មុឺនដុល្លារ។

គួរបញ្ជាក់ផងដែរថា កីឡាករប្រដាល់ដែលមានអាយុ ៣៧ឆ្នាំ គឺជាកំពូលអ្នកប្រដាល់ប្រចាំប្រទេសថៃដែលមានសមត្ថភាព និងទេព្យកោសល្យខ្ពស់ក្នុងការប្រកួត ។ ស្តេចប្រដាល់រូបនេះ ធ្លាប់បានឆ្លងកាត់សង្វៀនប្រកួតជាច្រើនដង មកហើយ ។គាត់ក៏ធ្លាប់បានផ្តួលគូរប្រកួត ទាំងអាស៊ី និងអ៊ឺរ៉ុប រាប់សិបនាក់អោយចុះចាញ់ គូរប្រកួតខ្លះក៏សន្លប់បាត់ស្មារតីក្រោយកណ្តាប់ដៃដ៏រហ័សដូចផ្លេកបន្ទោរ នៃស្តេចប្រដាល់រូបនេះ ៕